Монгол тvмэн нэг зvйл рvv хошуурахаараа арай л дэндvvлдэг гэмээр хачин зантай улс. Тиймдээ ч сvvлийн хэдэн хоногийн турш цахим ертєнц даяараа “Бурзай”-г шууруулж, “Авьяаслаг монголчууд” шоугаар “амьсгалж” байна. Сайн сайхан зvйл тун бага сонсогдох болсон єнєєгийн нийгэмд европ тивийг байлдан дагуулсан телевизийн шоуг монголчууд хуулбарлан, эх орондоо зохион байгуулах болсон нь нэг талаар нvд нээсэн, сэтгэл цэлмээсэн алхам болсон гэлтэй. Дэлхийн хамгийн олон улс оронд гарсан, хамгийн олон vзэгчтэй энэ шоу нэвтрvvлэг нь ”Их Британийн “Syco entertainment” болон “Fremantle Media” компанийн хамтын бvтээл юм. Уг шоу нь дэлхийн 67 оронд хийгдэж, 193 улсад хvрчээ. Дэлхий даяар 500 сая хvнд хvрсэн гэдэг юм байна. Youtube ээр одоогоор зургаан тэрбум хvн энэ шоуг vзсэн. Улмаар 2014 онд Афганистан, Азербайжан, Камбож, Исланд, Мексик, Мъянмар, 2015 онд Монголд гарахаар болж байгаа аж. “Авьяаслаг монголчууд” шоуны урьдчилсан шалгаруулалтад улс орон даяарх авьяастнууд 1000 гаруй vзvvлбэр vзvvлжээ. Шилдэг оролцогчийн шагнал 100 сая тєгрєг. Харин шоу нэвтрvvлгийн єртєг одоогоор тэрбум даваад байгаа аж.

Аливаа зvйлийг хуулбарлахдаа гаргууд монголчууд гадныхны санаачилсан элдэв шоу нэвтрvvлгийг эх орондоо цацахдаа жинхэнэ монгол сэтгэхvйгээрээ хачирладаг нь харин ч авууштай тал гэмээр. Энэ удаа ч мєн л “Авьяаслаг монголчууд” шоунд єнєєх монгол сэтгэхvй нэвт шувт шингэж байна гэдэгтэй маргах хvн гарахгvй л болов уу.
Юу гэвээс уг шоуны шvvгчдийн нэр тодрохоос авахуулаад л vзэгчид энэ талаар санал, шvvмжлэлээ хэлж, зарим нь автоматаар хэн нэгнийг нь унагаагаад амжсан. Гэвч тус багийнхан хатуу шvvмжлэл, элдэв яриаг даван туулж, шоугаа эхлvvлсний дараа энэхvv яриа бvр ч хvчтэй болсон. Єєрєєр хэлбэл, шоунд оролцогчдыг онцлохоос гадна шvvгчид vзэгчдийн сонирхлыг дэндvv ихээр татаж байгаа бололтой. Тэр дундаа хийлч бvсгvй Ч.Дэлгэрцэцэг, реппер залуу Рокит Вэй хоёр. Дэгжин Дээгий эрчvvдийн анхаарлыг хамгийн ихээр татаж байгаа бол царайлаг реппер залуу охид, бvсгvйчvvдийн овоо хараанд бvрэн орчихоод буй. Ямар сайндаа л тэд залуу дуучны найз нєхєд, амраг хайрт, гэр бvлийнхэн, экс найз бvсгvй гээд ойр дотны бvхнийг нь хайж, цахим ертєнцєєр нэг эрэл сурал болж байх вэ дээ. Энэ бол мэдээж монголчуудын шоу нэвтрvvлэгт ханддаг бас нэгэн хандлагын илэрхийлэл.

Тэгвэл vзэгчдээс гадна оролцогчид ч бас л уг шоунд монгол сэтгэхvйгээрээ оролцохоор шийдсэн мэт. Тодруулбал, тус нэвтрvvлгийн хамгийн анхны дугаараас хэлэмгий, доломгий нь дэндсэн нэгэн эр од болж эхэлсэн. Vзэгчдийн дийлэнх нь тvvнийг яруу найргийн цалгисан их авьяастайг гайхан шагшиж байсан. Бадаг хэлхэж, бодлоо илэрхийлдэг монголчууд дунд толгой холбож, мєр хэлхээд ийнхvv цэцэрхсэн мэтээр хошигночихдог хvмvvс Долоон буудлын Должин чавганцаас эхлээд хэтэрхий олон бий гэдгийг манайхан арай л хожуухан ойлгох шиг болсон.
Магадгvй, баргил сайхан хоолойтой барилгачин залуу гарч ирэхэд хэл амаараа хэнд ч гvйцэгдэхгvй захирал эр мартагдсанаас тvvний цахим ертєнц дэх карьерь унаснаар авьяасыг нь хэмжиж болох талтай. Гэтэл тvvнийг дєнгєж мартагнам аядаж байтал ганц vг газар гээдэггvй хєдєєгийн нэгэн хэвлvvн хєвгvvн гарч ирээд, цахим ертєнцийнхнийг дахиад л шуугиулав. Насанд хvрснийг нь магтан сайшааж байсан хэрнээ нас биед хvрээгvйг нь хvмvvжил муутай, засч залруулах хэрэгтэй гэж цэцэрхэх хvн ч олон байна билээ.

Хамгийн гол нь, нэвтрvvлэгт оролцогчдын дийлэнх нь ганц vг газар гээлгvй цэцэрхэж тодроод байвал, инээд муутай монголчуудынхаа элгийг хєштєл маазраад байвал, эс бєгєєс Гvндалай гишvvн шигээ элийрч, балайраад байвал од болчихно гэсэн бодолтойгоор уг шоунд оролцож байгаа нь харамсалтай. Vзэгчид нь ч УИХ-ын 76-гийнхаа элийрлийг хєєрєгдєн маазардаг шигээ ийнхvv солиоруулагчдын дэмийрлийг дэвэргэхдээ гаргууд гэж яана. Ингээд уг шоуны vндсэн зорилго хийгээд энэ бvхний эцэст чухам хэнийг тодруулж, томруулах гэж байгаа талаараа vзэгчид нь хvртэл тєєрєлдчихсєн суух аж.

Харин “Авьяаслаг монголчууд” шоуг санаачлан хэрэгжvvлэгчид хийгээд эрхэм шvvгчид чухам юу бодож суудаг юм бол доо. Юутай ч зарим дугаарыг нь зэрвэс харахад, дєрвєн шvvгчийн маань нэг нь “Авьяаслаг монголчууд”-ыг хайж байгаагаа ч мартчихсан мэт аяглах, нэг нь урлагийн хэтэрхий єндєр мэдлэгтэй хvн болох гэж хичээнгvйлэх, нєгєє нэг нь бусдыгаа дагаж намирах, харин vлдсэн нэг нь л энд суугаагийнхаа vvргийг ухамсарласан мэт харагдах юм билээ. Гэвч энэхvv шоугаар шvvгчдийн хэн нь хэн болохыг илрvvлж, шvvх бус авьяасаар цалгиж, билгээр халгисан нэгнийг онцгойлон тодруулах гэдгийг шvvгчид маань ч, vзэгчид нь ч бvгдээрээ ухамсарлаж, єєнтєгч монгол сэтгэхvйгээрээ бус оюунлаг монгол ухаанаараа тунгаан болгоогоосой билээ.

Эх сурвалж: