Австралийн Голд Коастын наран шарлагын газарт усны хувцастай бүсгүйчүүдийн парад болов. Ягаан өнгийн усны хувцсаар гоёсон 357 бүсгүй эрэг дагуу 1.6 км зам туулсан шалтгаанаа “Гоо сайхны төлөө” хэмээн тайлбарлав. Учир нь эрчүүд эмэгтэй хүний жинхэнэ гоо сайхныг умартаж буй гэнэ.

“Голд Коаст баллетин” компанийн зохион байгуулсан уг арга хэмжээг Гиннесийн номд бүртгэв. Өнгөрсөн онд Кайман аралд мөн ийм шалтгаанаар 331 бүсгүй бикини парадад оролцсон бөгөөд австраличууд тэдний амжилтыг эвдлээ.