Дуучин О.Анхбаяр Б.Халиун нар сүүлийн үед уран бүтээл хийсэнгүй гэх шүүмжлэлд өртөх болжээ. Хос дуучдыг чимээгүй байх зуур сонсогчид нь чанартай уран бүтээл хүргэхээр бэлтгэж байгаа хэмээн эндүүрчих юм аа. Хааяа үглүүлэн, дуулуулан байж хэдэн дуу оролддог дуучдын уран бүтээлүүд тэгсгээд л замхарчихна. Угтаа иргэд сонсогчид нь “хайрын дууч” хосууд хэмээн итгэл үзүүлдэг ч байнга л ийм байдлаар нүд хуураад байж болохгүй гэх үгсийг унагах болсон байна шүү.

Сүүлдээ хос дуучдын фен залуус уран бүтээл хойш тавиад байх юм бол итгэл үзүүлэхээ болино шүү хэмээн айлгах болсон гэнэ лээ. Дуучин Б.Халиун “Киви” хамтлагт дуулж байхдаа бусдаас эрс ялгарч, содон байж чаддаг байлаа.

Харин нөхөрт гарч гэрийн эзэгтэй болсноороо дуучин бүсгүй сүйдтэй уран бүтээл хийсэнгүй. Нөхрийнхөө командаар хөдлөөд уран бүтээл хийхгүй байна хэмээн фенүүд нь гомдлох болсон байна шүү. Хааяахан орос Монгол киноны дуу дуулж цэнхэр дэлгэцээр үзэгддэг хосуудыг үзэгчид шинэ уран бүтээл гэхээсээ илүүтэйгээр шинэ оны халтууранд хөтлөлцөөд гүйж байгаа хэмээн таамаглах болжээ.

Түүнчлэн дуучин бүсгүйн нөхөр Анхааг амиа бодож эхнэрээ бусдаас харамлалаа ч хэмээн үгний хажуугаар давхар давхар шүүмжлээд авах болж. Хос дуучид минь ээ. Хөтлөлцөөд ч болтугай уран бүтээлээ хийхгүй бол фенүүд чинь итгэл үзүүлэхгүй гээд байна шүү дээ. 30 ч хүрээгүй байж эрт намба заах боллоо гэх шүүмжлэлд дуучин О.Анхаа, Б.Халиун нар аль хэдийнээ өртөөд, үзэгчид тэднээс уран бүтээл шаардаад өдөр шөнөгүй утас цохиод амраахаа байсан гэдэг шүү. chuhal