Чингэлтэй дүүргийн цагдаагийн 2 дугаар хэлтсийн эргүүлийн цагдаа жолооч, цагдаагийн ахлах ахлагч Н.Энхтүвшин энэ сарын 3-ны орой 21:00 цагийн орчимд иргэдэд учирч болзошгүй аюулаас хамгаалсан байна. Тодруулбал Чингэлтэй дүүргийн 18 дугаар хороо 7 буудлын замаас Чингэлтэй салдаг уулзвар зам дээр “ММС Canter” маркийн авто машин жолоочгүйгээр уруудан урдаа байсан “T.Prius”маркийн авто машиныг мөргөөд бусдад аюултай байдлаар цааш өнхөрч байсан байна. Энэ үед цагдаагийн эргүүлийн машин  “Kia rio” маркийн авто машинаараа хааж зогсож хүний амь нас, эрүүл мэнд хохирох нөхцөл байдлаас хамгаалж чадсан байна.

Эх сурвалж: Шуурхай.мн