Сүмогийн холбооныхон их аварга Асашёорюүтэй ямар ч холбоогүй юм шиг аашилж, “гадны хүн” гэж нэрлэж байсан. Хэдий тийм ч япончууд аваргыг хайрлаж, хүндэлсэн хэвээр байгаа аж. Японы ТВS телевиз энэ оны сүүлчийн өдөр цацах нэвтрүүлэгтээ манай аваргыг оролцуулахаар урьжээ. Тус улсын кино найруулагч Китано Такэшигийн хөтлөн явуулдаг энэхүү спортын нэвтрүүлэг таван цаг үргэлжилдэг бөгөөд үзэгчдийг нэр хүндтэй тамирчидтай уулзуулдаг юм байна. Хөлбөмбөгч Казу Миүра, уран гулгагч Андо Мики нарын одод оролцох уг нэвтрүүлгийн гол зочин нь Мэргэжлийн сүмогийн 68 дахь аварга байх гэнэ.

Б.ЗОЛЗАЯА

МОНГОЛЫН МЭДЭЭ СОНИН