Авлигалын хэргээр шалгагдаж байгаа ТӨХ-ны дарга Д.Сугар  өнгөрсөн зун нутгийнхаа 80 жилийн ойд  нисдэг тэрэг

хөлөглөн очиж, агаараас наадамчин олонд мэндчилгээ дэвшүүлэн, бэлэг сэлт цацсан. Мэндчилгээний үгтэй дугтуй, дугтуйтай  чихэр агаараас тарааж баярхсан энэ эр  Японд орон сууц худалдан авсан тухай мэдээлэл чих дэлсэж байна. Японы Токио хот дэлхийд үнэ өртгөөрөө хамгийн дээгүүрт орох хот. Тус хотод дундаж орон сууц дөрвөн сая долларын үнэтэй байдаг. Томрох тусмаа үнэ ханш нь өсдөг гэнэ. Тэгвэл Монголын төрийн албан хаагч Д.Сугар гуай хаанаас ийм их мөнгө олж, Японд харш худалдаж авах хүртлээ баяжснаа тайлбарлах хэрэгтэй болоод байна.