Гурван ч хүүхдийн аав болсон намбалаг эрийг өөртөө дурлуулан, хэнз үрийнх нь зулайг үнэрлүүлээд байгаа энэ бүсгүйг мэдэхгүй хүн ховор биз. Даян аварга А.Сүхбатын албан ёсны гурав дахь эхнэрээр хэвлэлийнхэн түүнийг “тодруулсан” болохоор арга ч үгүй байх. Жил дараалан нярайлж, түмэнд хүндлэгдэж явсан бөх нөхөртөө үр хүүхдүүдээр “бэлэг” барьсан гэгддэг Н.Гарамханд фитнессийн багш, дасгалжуулагчаар ажилладаг нэгэн.

Энэ ч утгаараа хоёр жилийн өмнө төрсөн өдрөөрөө даян аварга А.Сүхбатаас “5D” фитнесс клуб бэлгэнд авч, өдгөө захирлаар нь ажиллаж яваа юм билээ. Угийн тамирчин хүн болохоор ч тэр үү, бие галбираа тун гайхалтай сайхан авч явдаг залуу бүсгүйн хувьд спортоосоо хэзээ ч хөндийрөхгүй бололтой. Харин төрсөн өдрийн баяр нь саяхан тохиож, урлаг спортын ододтой нэгэн үдшийг “бут авсан” Н.Гарамханд энэ удаад нөхрөөсөө чухам ямар бэлэг авснаа ихэд нууцалж байгаа аж. Анхны эхнэрт нь чичлүүлэн байж зохиосон амьдралдаа сэтгэл хангалуун яваагаа харуулсан тэрбээр А.Сүхбатын хамгийн дотны зөвлөгч, менежер нь гэгддэг шүү.

Б.Содон

PHOTONEWS.MN