Солонгос улсын Чонжү хотын Гымангдунг дүүрэгт энэ сарын 17 буюу өчигдөр өглөөний 04.00 цагийн орчимд автозамын осол гарч, мотоцикль унан замын хөдөлгөөнд оролцож байсан Монгол оюутан амь насаа алджээ. Тодруулбал Чонжү хотын төв цэнгэлдэх хүрээлэнгийн дэргэдэх дөрвөн замын уулзвараар баруун гар тийш эргэн давхиж байхдаа замын нэгдүгээр эгнээнд парклан орхисон Матиц маркийн автомашиныг араас нь хүчтэй мөргөж мотоциклоосоо хол шидэгдэн унаж, хүнд гэмтлийн улмаас амь насаа алдсан байна.

Эх сурвалж: Шуурхай.мн