Сар шинийн баярын өдрүүдээр хөдөө орон нутагт цасан болон шороон шуурга шуурсан билээ. Энэ үеэр шуурганы улмаас Дундговь аймгийн Адаацаг сумын нутагт 14 настай Д хүү төөрсөн тохиолдол гарсан. Тэрээр хүү тус сумын гуравдугаар багийн нутаг “Тал булгийн-Адаг” гэдэг газар нутагладаг малчин А-ын гэрээс оройн 18.00 цагийн үед гэр лүүгээ явахаар гараад очоогүй байна.

Тиймээс гэрийнхэн нь оройн 22:34 цагийн үед аймгийн Онцгой байдлын хэлтэст дуудлага өгч улмаар Онцгой байдлын газрын есөн албан хаагч, орон нутгийн 40 иргэн эрэн хайсан юм.

Тэгвэл энэ сарын 22-ны өдрийн 10:32 цагт тус сумын гуравдугаар багийн нутаг “Түнтгэрийн бууц” гэдэг газар нутагладаг малчин С-ын гэрээс 14 настай хүү эсэн мэнд олджээ.

Эх сурвалж: Шуурхай.мн