БСШУ-ны сайд асан, УИХ-ын гишүүн Ё.Отгонбаярын эхнэр О.Эрдэнэсолонгын “Зоос”, “Голомт”, “Худалдаа хөгжлийн банк”-аар 2009-2013 онд 13,9 тэбрум төгрөг% онц их хэмжээний буюу 300 сая орчим ам.доллар байршуулан угаасан байж болзошгүй үйлдлийг цагдаагийн байгууллага шалгаж байсан билээ. Гэвч өдгөө энэхүү хэрэг дарагдаж, “алдагдсан” хавтаст хэргүүдийн тоонд ороод байна.
Хэргийг тодруулбал О.Эрдэнэсолонго нь төгрөгийн болон валютын 21 дансаар энэ бүх гйүлгээг хийдэг байжээ. Мөн татвар төлөхөөс зайлсхийсэн, хуульб усаар хөрөнгөжсөн явдал шалгалтын явцад илэрсэн.
Уг хэрэгт холбоотой нэлээд хүнийг баривчилж, эд хөрөнгийг нь битүүлжилж байлаа. Энэ ч утгаараа Ё.Отгонбаярын эхнэр О.Эрдэнэсолонгыг ч хориод байв.
Мөрдөн байцаалтын явцад Интерполоос гадна Мөнгө угаах гэмт хэрэгтэй тэмцэх чиглэлээр үйл ажиллагаа явуулдаг олон улсын байгууллага болох ФАТФ хамтран ажиллаж байсан. Эх сурвалжийн хэлж байснаар энэхүү хэрэг явсаао Хятадын ZTE компанитай холбогдсон билээ. Өөрөөр хэлбэл олон нийтийн таамаглаж буйгаар Ё.Отгонбаяр ZTE компаниас авлига авсан байж болзошгүй байсан юм.

Ё.Отгонбаярын эхнэр О.Эрдэнэсолонго гэж хэн бэ?

Ё.Отгонбаярын эхнэр О.Эрдэнэсолонгын талаар хүмүүс барагтаа мэддэггүй.
О.Эрдэнэсолонго нь 1981 онд Нийслэлийн II дугаар дунд сургуулийг дүүргэжээ. Харин тэр жил нь нөхөр Ё.Отгонбаяр нь 52 дугаар дунд сургуулийг дүүргэсэн төдийгүй хоёр сургууль нь шейфийн харилцаа тогтоосноор тэд анх танилцжээ.
Ё.Отгонбаяр арван жилээ төгсөөд нэг жил цэргийн албанд мордож ирээд Гадаад явдлын яамны нэр дээр Москвагийн Олон улсын харилцааны дээд сургуульд суралцах таван хүүхдийн нэгээр шалгарсан учраас энэ шугамаараа суралцсан бол эхнэр О.Эрдэнэсолонго нь Анагаах ухааны Их сургуулийг 1988 онд дүүргэсэн байна. Ингээд тэд оюутан байхдаа буюу 1985 онд гэр бүл болцгоосон аж.
Тэднийг нэг гэрт ороод удаагүй байхад Ё.Отгонбаяр гишүүнийг Энэтхэг дэх ЭСЯ-ны хоёрдугаар нарийн бичгийн даргаар томилсон учраас нэг их удан хадмын хаяа түшилгүй харь орныг зорьжээ.
Ё.Отгонбаяр гишүүнийх хоёр хүүтэй.
Тэрбээр том хүүгээ мэндлээд удаагүй байхад нь Энэтхэг рүү томилолт өвөртөлж яваад тэндээ таван жил болсон. Энэтхэг улсыг 25-хан настай залуу хос зориод 30 насандаа эргэж ирэхэд нь Монгол Улс аль хэдийнэ зах зээлд шилжиж, иргэд ганзагын наймаанд мордсон учраас Ё.Отгонбаяр гэдэг айлынх бизнест хөл тавьж байжээ.
Өдгөө Ё.Отгонбаярын эхнэр сүүлийн жилүүдэд бусдад хүүтэй мөнгө зээлүүлдэг байсан гэх мэдээлэл ч байдаг аж.

ZTE Монголд эрсдэл учруулж болохыг “IT-Busines news” сэтгүүл анхааруулж байв

Хятадын харилцаан холбооны мэдээ мэдээллийг дамжуулдаг IT-Busines news сэтгүүлд бичсэнээр ZTE-ийн Монгол дахь салбарт ч асуудал үүсэх магадлал өндөр байгаа учраас тэнд мөрдлөг, шалгалт хийж эхэлсэн талаар дурдаж байв.
Уг сэтгүүлд бичсэнээр “Мөрдлөг шалгалтыг Монголын АТГ хийх бөгөөд энэ хэрэгтэй холбоотойгоор тус компанийн гүйцэтгэх захирал ч шалгагдах гэнэ. Түүнчлэн ZTE-ийн хятад эрхмүүдтэй холбоотой хувийн асуудлууд ч сөхөгдөж болзошгүй” хэмээн бичжээ.
Зөвхөн ZTE-ийн албан тушаалтнуудаас гадна Монголын харилцагч талууд ч энэхүү хэрэгт холбоотой болох нь олйгомжтой байсан талаар хэвлэлүүд тухайн үед шуугиж байлаа.
Өмнө нь энэ компанийн томоохон албан тушаалтнууд авлига хээл хахуулийн асуудлаар олон жилийн ял авч байсан гэгддэг. Хамгийн сүүлд л гэхэд тус компани болон зарим улсын Засгийн газар хооронд их хэмжээний мөнгөний алдагдлын асуудал үүсчихээд байсан түүхтэй. Ер нь уг компанитай холбоотой бусад хэргүүд өөр улс орнуудад гарч байсан удаатай.
Тухайлбал Алжир болон Кени улстай авлига, хээл хахуулийн хэрэгт холбогдож байсан юм. Зөвхөн мөнгөний хэргээс гадна текникийн талаасаа ч төдийлөн таашаагдаагүй аж.
Тиймээс ZTE-ийн төхөөрөмжийг улсын нууц задруулдаг гэх шалтгаанаар хэд хэдэн улсад хориглож байжээ.
Ямартай ч тус компанийн Монгол дахь салбарт учирч болох эрсдэлээс болгоомжлохыг “IT-Busines news” сэтгүүл анхааруулж байлаа.
Тэгэхээр манай харилцаа холбооны салбарт үйл ажиллагаа явуулдаг гэх энэхүү хэрэгт Ё.Отгонбаяраас гадна энэхүү салбарыг гардан ажиллаж байсан шинэхэн Ерөнхий сайд Ч.Сайханбилэг ч холбоотой байхыг үгүйсгэхгүй билээ.
Гадны улс орнуудын дотоод нууцыг гадагш нь задруулдаг, тагнуулын гэмээр үйл ажиллагаа явуулдаг ZTE-г хэн хэрхэн дэмжиж, ямар замаар Монголд оруулж ирэн үйл ажиллагаа явуулах болсоныг Ч.Сайханбилэг, Ё.Отгонбаяр нар сайн мэдэх биз ээ. Хэрэв энэхүү компани улсын нууц задруулдаг, мөн авлига хээл хахуультай холбоотой болох нь нотлогдвол Ч.Сайханбилэг, Ё.Отгонбаяр нар улсаа худалдсан, тагнуулын үйл ажиллагаа явуулсан хэрэгт ял авах нь тодорхой. Гэвч уг хэрэг намжчихаад байгаа нь асуудлын гол юм.

Үргэлжлэл бий
Эх сурвалж: Mongolcomments.mn