Долоон жилийн тэртээ эх орныхоо нэрийг гадаадын урлагийн тавцанд гаргахаар  сэтгэл шулуудан Америк улсыг зорьсон  “Sweetymotion” хамтлагийнхан өнгөрсөн жилийн зургадугаар сард эх орондоо ирж “Number One” нэртэй тоглолтоо тавьчихаад буцсан. Харин эх орондоо эргэж ирэхдээ тавуулаа болоод ирсэн нь Сарнай, Чинбаа нарын охин Ч.Мишээл юм. Мэдээж нас бие чацуу гурван бүсгүйн нэг нь хүүхэд  төрүүлсэн болохоор бусад гишүүд хэзээ гэр бүл зохиож, үр хүүхэдтэй болох бол гэсэн асуулт фэнүүдийнх нь сонирхлыг төрүүлж буй. Сүндэрээгийн хувьд одоохондоо чухалчилж бодохгүй байгаа бол Болороо аль хэдийнэ хар, шар хүү охин хоёртой болоод амжжээ. Гэхдээ тэр нь дэлхийн хамгийн жижиг үүлдрийн хоёр нохойгоо хэлж байгаа аж.

Б.Өнөр

МОНГОЛЫН МЭДЭЭ СОНИН