Хууль зүйн сайдаар ажиллаж байсан Х.Тэмүүжингийн но-той, ноц-той асуудлыг УИХ-ын гишүүн О.Баасанхүү дахин дэлгэлээ.  Тодруулбал, түүнийг Хууль зүйн  сайдын албыг хашиж байхдаа нууц шорон байгуулсныг нь олонд дэлгэсэн хэрэг.  Х.Тэмүүжин сайд болоод шууд л Төрийн тусгай хамгаалалтай нэгдсэн эмнэлгийг оффис болгохоор улайрч эхэлсэн.  Үүний эсрэг О.Баасанхүү гишүүн болоод тус эмнэлэгийн хэдэн эмч, сувилагч нар тэмцэж жагсаад ч дийлээгүй.  Харин Х.Тэмүүжин энэхүү барилгад хууль зүйн салбарыг төвлөрүүлэх зорилготой гэдгээ илэрхийлж байв. Гэтэл тус барилгын грашийг нууц шорон болгоно гэж хэн санах билээ. Түүнийг ямар зорилготой нууц шорон байгуулсан бэ гэдэг нь нь олны анхааралд байна. Үүнээс гадна хөрөнгө мөнгөний асуудал давхар яригдаж эхэллээ. Хамгийн гол нь эмнэлгийг шорон болгоход улсаас ихээхэн хэмжээний зардал гарсан гэж эх сурвалжууд хэлж байгаа юм.  Тэр ч бүү хэл грашийг шорон болгоход 1.2 тэрбум зарцуулсан гэж байгаа.  Мэдээж үүнийг Х.Тэмүүжин өөрийн хөрөнгөөр бариагүй.  Төсвийн мөнгө болох татван төлөгчдийн мөнгөөр бариулсан нь тодорхой.  Нөгөө талаар Засгийн газар Х.Тэмүүжинд нууц шорон байгуул гэж үүрэг өгөөгүй нь лавтай.  Тэгэхээр үүнийг Х.Тэмүүжин өөрийн эрх мэдлийн хүрээнд хийсэн нь илт юм.  Үүнийг хуулийн байгууллагууд шалгаж нягтлах хэрэгтэй.

Уг нь Төрийн тусгай хамгаалалттай нэгдсэн эмнэлгийг 2012 онд хүүхдийн болон төрөх эмнэлгийн зориулалтаар ашиглая гэж зарим гишүүд санал гаргаж байв.  Өдгөө Монгол Улсын хэмжээнд эмнэлгийн асуудал номер нэг хүндрэлтэй байгаа.  Ямар сайндаа Зам тээврийн яамны барилгыг Хүүхдийн эмнэлэг болгох шийдвэрийг засаг гаргаж сууна.  Гэтэл бүрэн техник, технилогитой, монголдоо ганц эмнэлгийг оффис болгож, тэр ч бүү хэл саатуулах, байр шорон болгож байгаа нь харамсалтай.  Мөн Нэгдүгээр төрөх эмнэлэг ачааллаа дийлэхгүй төрөх эхчүүд нь үүдэндээ хэвтэж байна.  Гэтэл тэнд согтуу, солиотой, гэмт хэрэгтнийг саатуулах байрыг нэгээр нэмж байна.  Тиймээс Хууль зүйн сайдаар ажиллаж байхдаа ийм зүйл сэдсэн түүнд хариуцлага тооцох хэрэгтэй.

Д.Анар

www.unen.mn