Иргэд ачигч машины талаар мэдээлэл дутмагаас болж машинаа алдлаа хэмээн сандрах явдал цөөнгүй гардаг аж. Тиймээс замын хөдөлгөөний аюулгүй байдлыг хангах, иргэдэд ойлгомжтой байх үүднээс 18001200 гэсэн мобикомын тусгай дугаарыг ажиллуулж эхэлжээ. Хэрэв таны машин байрандаа байхгүй бол энэ дугаарлуу залгаж түр саатуулах байранд байгаа эсэхийг лавлах боломжтой юм байна.

Мөн тун удахгүй машиныг тань ачсан гэсэн мэссэжийг таны гар утсанд илгээдэг болох аж. Зөвшөөрөлгүй газар зогсч машинаа ачуулсан иргэд өмнө ачилтын төлбөр 70-90 мянган төгрөг төлдөг байсан бол өнгөрсөн сарын 25-аас эхлэн 55 мянган төгрөг болсон. Иргэдийн “хэт их үнэтэй байна” гэсэн гомдолтой холбоотой аж. Гэхдээ 30 км-ээс дээш зайд зориулалтын чирэгч автомашин ашиглан тээврийн хэрэгслийг зөөж, шилжүүлсэн бол км тутамд 1700 төгрөг нэмэгдүүлэн тооцох юм байна.