Өнгөрсөн сарын 27-нд Сонгинохайрхан дүүрэгт байрлах “Хайрхан” зочид буудалд нэгэн эмэгтэй гурван настай хүүгээ орхиод явсан хэрэг гарчээ. Хүүгийн ээж “Би ойрхон дэлгүүр орчихоод ирье. Хүүг маань харж байгаарай” гэж тус буудлын ажилтнуудад хэлчихээд явжээ. Буудлынхан эмэгтэйг ирнэ, хүүгээ авах байх гэж хоёр өдөр хүлээгээд эцэст нь цагдаагийн газарт хандсан байна. Ингээд хүүг 29-ний шөнө дунд Хан-Уул дүүрэгт байрлах Нийслэлийн цагдаагийн газрын харьяа Түр хамгаалах төвд авчирчээ. Хүүг журмын дагуу тус төвийнхөн Сонгинохайрхан дүүргийн Гэр бүлийн хөгжлийн төвд шилжүүлсэн байна.Бяцхан хүү ээжийгээ Цэцгээ гэдэг, удахгүй ирж авна гэсэн, аав нь Зүүнхараад байдаг талаар цагдаагийнхан болон буудлын ажилчдад ярьсан байдаг.

Одоогоор гуравхан настай хүүгээ буудалд орхиод явсан эхийг нь эрэн хайж байгаа бөгөөд харин аавынх нь сураг гарчээ. Ямартаа ч аав нь хүүгээ авах талаар ярилцжээ.

Эх сурвалж: Шуурхай.мн