Японы мэргэжлийн сумогийн ертөнцөд А.Ичинноров буюу Ичиножо гэх монгол залуугийн нэр тодоос тод дуулдаж эхлээд байна. Түүний нэр алдар ийнхүү түгэхтэй зэрэгцээд япон бүсгүйчүүд хүртэл хуйларч байгаа талаар бид мэдээлсэн. Тэгвэл А.Ичинноровын төлөө нойр хоолоо хугаслан явдаг нэгэн япон бүсгүйгийн талаар Асахи сонин нийтэлжээ.
Тэр бол Ичиножо-гийн дэвжээний эзэгтэй Миура Макото аж. Дотрын эмч мэргэжилтэй, 2 хүүхдийн ээж тэрбээр хүүхдүүдээ өсгөж, эмчийн ажлаа хийхийн хажуугаар Ичиножогийн арын албыг залгуулдаг байна. Барилдааны үеэр өглөө 4.30-д босоод Ичиножо-г Сумо бөхийн ордонд хүргэж өгнө.

Дараа нь өөрийн үндсэн ажил болох эмнэлэг рүү явна. Эмчийн ажлаа дуусгаад дэвжээнийхээ бөхчүүд дээр ирнэ. Бөхчүүдэд массааж хийж байхдаа, хэний хаана ямар зовиур байгааг олж тогтооно. Миура Макото бүсгүй эмч, эгзэгтэй нь ажлаас гадна Ичиножо-д япон хэл, японы зан заншил заах ажилтай.

Сүүлийн үед Ичиножо-д ханз үсэг зааж байгаа бөгөөд Ичиножо ч үсгээ сайн сурч, утасны мессежийг ханзаар галиглаж бичиж чаддаг болсон гэнэ. Дэвжээний эзэгтэй Миура Макото“Хэрэв найз бүсгүйтэй болвол надад дуулгаж,заавал танилцуулаарай” хэмээн Ичиножо-д захидаг гэнэ шүү.