Ардчилсан хүчний нийт гишүүд, дэмжигчд

Монголын ард түмэнд хандаж мэдэгдэл гаргах нь

Энэ жил Ардчилсан хувьсгалын 25 жилийн ойн жил. Ардчиллын ололт амжилттай хамт тэмдэглэх ёстой байтал Ардчилсан намын дарга Алтанхуягийн амиа хичээсэн албан тушаалын төлөө ардчиллын хувь заяаг золиосолж байгаатай ардчилсан хүчний ахмад зүтгэлтнүүд бидний эгдүүцэл зэвүүцлийг хүргэж байна. 90 оны ардчилсан хувьсгалыг хийхдээ ардчилал, шударга ёс, авлигал хээл хахууль, хүнд суртлыг эгнэгт устгахын төлөө нэгдэн тэмцэж байсан. Хөвсгөлийн өлсгөлөнгийн нэг гол шаардлага болох ард түмний онц зөвлөл байгуулах, Монгол орны улс төрийн тогтолцоон дахь 40 жил засгийн эрхийг дангаараа барьсан Цэдэнбалын тойрон хүрээлэгчдийн мафиозны далд бүтцийг арилгах нь шинэ ардчилсан засаглалын суурь зөв тавигдахад маш чухал ач холбогдолтой зүйл байсан. Лохууз Сурмаажав, … Төмөр-Очир Бямбын Ренчин нар энэ шударга биш, тойрон хүрээлэгчдийн бүлэглэлийн эсрэг тэмцсэн болохоос тухайн системийн эсрэг тэмцээгүй билээ. 90 оны ардчилсан хувьсгал Монгол оронд олон сайн сайхан зүйлийг авчирсан боловч өмнөх тогтолцооны үр хөврөл нь ардчиллаар халхавчлан нам дамжсан улс төр олигархийн, авлигалын сүлжээ болон гүнзгийрч улс орныг бүхэлд нь улс төрийн намуудтай нь устгах аюул нүүрлэж байна. Иймд нам харгалзахгүйгээр улс эх орны эрх ашгийн төлөө ард түмний онц зөвлөлийг байгуулж, улс төр олгиархийн гэмт бүлэглэлүүдтэй хариуцлага тооцох шаардлагатай байна. Алтанхуягаас ардчилалаа, монголоо аврахын тулд нэгдэн тэмцэцгээе. Улс төрийн хувьд буцаад 90 оны нөхцөл байдал үүслээ.

 Монголын Ардчилсан хүчний ахмад зүтгэлтний хороо TББ-ын тэргүүн Данзанбалжирын Энхтайван