Москвагаас баруун өмнө зүгт 350 км зайтай орших Орловская хотын эмнэлэгт Эбола вирусын халдвар тээсэн Африкийн хоёр оюутанг эмнэлэгт хэвтүүлсэнтухай  “www.ibtimes.com” мэдээллээ. ОХУ-ын Эрүүл мэндийн яамнаас “Нийслэл Москвагаас 271 км зайтай Орёл хотын их сургуульд сурдаг хоёр Африк оюутан эболагийн халдвар авсан шинжилгээгээр тогтоогдсон” гэж мэдээлжээ.  Тэдний нэг нь эбола хурдацтай тархаж буй Гвиней улсын иргэн аж. Халдвар авсан 20 настай Монтеуро Волбе Луиру болон 23 настай Сантоуш Монтеурог Орёл хотын төв эмнэлэгт тусгаарлаж, ДЭМБ-аас илгээсэн бэлдмэлээр эмчилж эхэлсэн бөгөөд тэд 37,3 C хүртэл халуурч байсан тул ийнхүү тусгаарлах арга хэмжээг яаралтай авчээ. “Орост Эбола вирусын сэжигтэй тохиолдол бүртгэгдсэн тул ариутган халдваргүйжүүлэх арга хэмжээг шуурхай авч, халдварын тархалттай бололцооны хэрээр тэмцэнэ” гэж Эрүүл мэндийн яамны хэвлэл хариуцсан нарийн бичгийн дарга Олег Салагай ярьжээ. Одоогоор Баруун Африкаас Орост зорчсон иргэдээс 16 сэжигтэй тохиолдол бүртгэгдсэн ч халдвар авсан нь батлагдаагүй гэж мэргэжлийн хяналтын байгууллага мэдээлэв.

 Тус улсын Засгийн газар эболагийн тохиолдолд бүртгэгдсэний дараа ард түмнээ сэрэмжтэй байхыг уриалж, шаардлагатай гэж үзвэл хилээ хаах болно гэж мэдэгджээ.

Эх сурвалж:Шуурхай.мн