ҮХААЯ-ны Төрийн на­рийн бичгийн дарга Х.Золжаргалыг огцруулах тухай яриа өчигдөр саарал ордонд, УИХ-ын нэгэн ги­шүүний өрөөнд их л нууцлагдмал байдлаар өр­нөжээ.
Гэхдээ мань хүн бас тийм ч амархан суудлаа тавиад өгчих нэгэн биш аж.

Учир нь түүний ард том эрх мэдэлтэй улстөрч арыг нь дааж түүнийг суудалд нь торгоон барьсаар өнөөдрийг хүргэжээ. Уг нь аль эрт шүл­хийн вакцины асуудлаас үүдэн ажлаас чөлөөлөгдөх бүрэн үндэслэлтэй байсан аж. Гэтэл УИХ-ын гишүүн Х.Баттулга сайд яамаа ор­хиж явснаар Х.Золжаргал дарга суудалдаа үлдэх бо­ломжтой болсон.

Харин одоо тэрбээр энэ удаа яах ч аргагүй ацан ша­лаанд орж суудлаа өгөөд зог­сохгүй, хуулийн бай­гуул­­лагад янз бүрийн асууд­­лаар шалгагдах нь то­дор­хой болчихоод бай­гаа юм байна.

Тухайлбал, Х.Зол­жаргалыг өнгөрсөн да­ваа гарагаас эхэлж УМБГ-ын мөрдөгчид сонирхож эхэлжээ.
Хэдийгээр тэрбээр “Би хуулийн байгууллагад шалгуулахад айх зүйл алга. Намайг шалгаад өг” гэж хэлж байгаа ч дотроо их л айдас хүйдэстэй яваа гэдгийг түүний ойрын хүрээнийхэн ярьж байна.

Энэ удаа түүнийг дөрвөн үндэслэлээр АТГ-т шалгахаар болжээ. Мэдээж түүнийг шалгуулах болсон шалтгаан нь 50 жилийн түүхтэй газар тариаланг самарч, хувийн компанийн талд үйлчилсэнд бизнесийн нөлөө бүхий эрх­мүүд төдийгүй Монголын ард түмнийг тэжээж яваа эгэл жирийн тариаланчид бүгд дургүйцэж байгаа.

Тухайлбал, Үр тариа, газар тариалан эрхлэгчдийн “Газар тариалан” холбооны ерөнхийлөгч Л.Цандэлэг Х.Золжаргалыг дараах дөр­вөн үндэслэлээр шалгаж өгөхийг АТГ-аас хүссэн байна.

1.2013 онд улаан буу­дайн квотыг олгохдоо Зас­гийн газар УИХ-д оруулж батлуулсан. Квотын хугацаа энэ оны зургаадугаар сарын 01-нд дуусгавар болсон. Гэтэл ҮХААЯ-ны Тө­рийн нарийн бичгийн дарга Х.Золжаргал нь “Улаан­баатар гурил”-ын үйлд­вэрийн эзэн Ц.Баатар­сайхан­тай хуйвал­дан импор­тоор буудай оруу­лан ирж, хууль зөрчиж байгааг шалгаж өгнө үү.
2.Монгол Улс дотоодын хэрэгцээт улаан буудайгаа 100 хувь өөрсдөө үйлд­вэрлэж байхад ургац ху­раалтын ид үеэр ОХУ-аас хууль зөрчин импортын улаан буудай оруулж ирж, зохиомлоор үнэ унагаж үгсэн хуйвалдаж байгааг шалгаж өгнө үү.

3.2014 онд “Улаан­баатар гурил” 20 гаруй тэрбум төг­рөгийн үнэ тогт­в­ор­жуулах хөтөлбөрийн мөн­гийг тө­рөөс хөнгөлөлттэй зээ­лээр авч, Монголын тариа­ланч­дын будааг авахаар гэрээнд заасан байхад ОХУ-аас будаа авч төрийн мөн­гийг зориулалтын бусаар ашиглаж байгааг шалгаж өгнө үү.

4.Хүнсний шаардлага хангахгүй улаан буудайг оруулж ирэхдээ импортын зөвшөөрөлгүйгээр оруулж ирс­нийг шалгаж өгнө үү гэх хүсэлтийг илгээгээд байгаа аж.

Бид энэ талаар “Газар тариалан” холбооны Ерөн­хий­лөгч Л.Цандэлэгтэй ярихыг хүссэн боловч “Ми­ний ярих зүйл ойл­гомжтой учраас дахин нуршаад яах вэ. Өмнө нь ярьж, хэлж байсан бүхий л зүйл хүчин төгөлдөр хэвээрээ байгаа. Хангалттай ярилаа шүү дээ” гэв.

Өнгөрсөн оноос хойш тендер будлиантуулдаг гэх нэр зүүх болсон Х.Зол­жаргалыг энэ удаад ганц АТГ-ч биш хэд хэдэн хүчний байгууллага түүний гар бие оролцсон бүхий л тендерийг шалгаж эхлэхээр болсон нь олон хүнийг энэхүү хэрэгт чирч мэдэхээр болоод байгаа юм.

Тиймээс түүнийг огц­руу­лахгүй гэсэн байр суурь­тай зарим улстөрчид улаан нүүрээ улалзуулан хамгаалаад ч тусыг эс олох бололтой.

Мэдээж энэ бүхэнд ганц Х.Золжаргалын хүч хүрэхгүй нь ойлгомжтой. Түүний араас замыг нь засч өгдөг хэд, хэдэн эрх­мүүд улаан буудайн им­портын энэхүү бусармаг хэрэгт оролцсон болох нь тодорхой учраас тэд ийн­хүү сандралдаж, түүнтэй холбоотой хэргийг газар авахуулахгүйгээр хав да­ра­хаар хөдөлж эхлээд байгаа тухай ч учир мэдэх хүмүүс ярьж байна.
Юутай ч Үйлдвэр, хөдөө аж ахуйн яамны Төрийн нарийн бичгийн дарга Х.Золжаргалын хийсэн дээрх үйлдлүүд улстөрийн хү­рээ­нийхнийг хоёр хувааж асуудлыг улам хурцатгаж эхлээд байгаа бололтой.

Эцэст нь хэлэхэд Х.Зол­жаргалтай холбоотой тен­дерийн асуудлууд эх­нээ­сээ сөхөгдөж, хуулийн бай­гуул­лагын гарт орчихоод байгаа нь хаашаа ч бултах аргагүй баримттай үнэн аж.

Р.Саруул

Эх сурвалж: