“Инчеон-2014” Азийн зуны спортын 17 дугаар наадам БНСУ-ын Инчеон хотноо болж байгаа билээ. Тус наадамд 45 улс орны баг тамирчид 36 төрлөөр өрсөлдөж байгаа. Гэвч тус улсад зохион байгуулагдаж буй Азийн зуны спортын наадам нэлээн будлиантай шударга бус болж байгаа нь манай боксын тамирчин Н.Төгсцогт харуулсан. Тодруулбал манай тамирчин Өмнөд Солонгосын боскчныг гурван үе дараалан “нүдэж”, түүний хөмсгийг хүртэл сэт цохисон билээ. Гэвч шүүгч ялалтыг Хам Санмёнгод өгсөн нь олимпод данстай тамирчныг үл тоож тус улсын тамирчинд шударга бусаар ялалтыг өгсөн. Тэгвэл мөн л энэтхэг улсын тамирчин ялалтаа солонгос улсын тамирчинд булаалгасан байна. Тэрээр 2006 оны дэлхийн аварга, Азийн дөрвөн удаагийн аварга Энэтхэг улсын эмэгтэй боксын тамирчин Сарита Дэви Лайшрам өчигдөp Азийн наадмын шагнал гардуулах үеэр хүрэл медалиа авахаас татгалзлаа. Мөн Солонгос улсад өөрийн улсын тамирчдаа дэмжихээр очсон Энэтхэгчүүд эрс дургүйцлээ илэрхийлж шагналыг нь буцааж өг хэмээн орилолдож байсан юм. Сарита Дэви ч ялалтаа булаалгасан солонгосын тамирчинд хүрэл медалаа буцаан өгч эсэргүүцлээ илэрхийлсэн байна. Ингээд бичлэгийг хүлээн авч үзнэ үү.

Эх сурвалж: Шуурхай.мн