“Инчён 2014” Азийн зуны спортын XVII наадамд манай улсын баг тамирчид амжилттай оролцож эрэгтэй сагсан бөмбөгийн баг шилдэг наймд шалгарсан билээ. Олон улсын анхаарлын төвд байгаа манай эрэгтэй сагсан бөмбөгийн баг тамирчид дундаас  Т.Санчир, Б.Билгүүн нарыг Азийн томоохон багийн мэргэжилтнүүд сонирхож эхэлсэн тухай цахим ертөнцөөр шуугиад байгаа. Харин гадны багт тоглох асуудлыг Т.Санчир үгүйсгэсэн бөгөөд эх орныхоо нэрийн өмнөөс цаашид улам хичээж, амжилт гаргахын төлөө тоглоно гэдгээ мэдэгдсэн юм. Тэгвэл гайхалтай тоглолтуудыг үзүүлж улс орныхоо нэрийг гаргаж яваа залуу тамирчин Т.Санчирийг тэмцээний хамгийн үнэ цэнэтэй тоглогчийн шагналд нэр дэвшүүлжээ. Тэрбээр нэг тоглолтонд дунджаар 21.4 оноо авч шилдэг гурван довтлогчийн нэгд бичигдсэн. Мөн 34 таслалт хийж энэ үзүүлэлтээр тэргүүлж байгаа юм.
Эх сурвалж: Шуурхай.мн