Нийслэлийн Баянзүрх дүүргийн Чулуун-Овоонд бөөний дэлгүүр ажлуулдаг “АПУ” ХХК-ийн борлуулагч Б.Алтанхуяг хэмээх залуу энэ сарын 15-ны өдөр сураггүй алга болжээ. Тэр өдөр Хужирбулан, Гачуурт, Налайхын чиглэлд борлуулалт хийхээр ачааны 2983 УНК дугаартай микроавтобус маркийн машинтайгаа явсан байна. Б.Алтанхуяг машиндаа 7-8 сая төгрөгийн бараатай, биедээ дөрөв орчим сая төгрөгтэй явсан гэж ар гэрийнхэн нь хэлж байгаа юм. Түүнийг хамгийн сүүлд Хонхорын “Хадат мянган” дэлгүүрт бараа нийлүүлснийг цагдаагийн ажилтнууд олж тогтоосон байна.  Уг хэргийг Баянзүрх дүүргийн Цагдаагийн хэлтэст шалгаж буй бөгөөд эрлийн баг гарган ажиллаж байна.

Эх сурвалж: Шуурхай.мн