Манай улсад хятад, солонгос хоолны газрууд ихээр үйл ажиллагаа явуулж түүгээр ч үйлчлүүлэх иргэд олон байдаг билээ. Гэвч эдгээр нийтийн үйлчилгээний газрууд эрүүл ахуйн шаардлага хангаж ажилдаггүй, байнга зөрчил дутагдалтай байдаг нь нууц биш. Тэгвэл энэ сарын 27-нд Кино үйлдвэрийн баруун талд байрлах “Лян Хө” хэмээх Хятад хоолны газар үйлчлүүлсэн нэгэн үйлчлүүлэгчийн хоолноос өт гарч ирсэн таагүй мэдээлэл цахим ертөнцөөр тараад байсан. Энэхүү мэдээллийн мөрөөр МХЕГ, НМХГ-ын удирдлагаас өгсөн үүргийн дагуу БЗД-ийн  МХХэлтсийн даргын баталсан 11/105 тоот удирдамжтай шалгалтаар Баянзүрх дүүргийн тавдугаар хороонд байрлах “Нандинхүү” ХХК-ний “Лянь – Хө” зоогийн газрын үйл ажиллагаанд хяналт шалгалт хийсэн байна.  Уг шалгалтаар цөөнгүй зөрчил илэрсэн бөгөөд зөрчлийг үндэслэн улсын байцаагчийн 11 заалт бүхий 28-03-207/171 дугаартай акт үйлдэн үйл ажиллагааг түр хугацаагаар зогсоожээ. Улмаар  “Төрийн хяналт шалгалтын тухай” хуулийн 16.1.3 дахь заалтыг үндэслэн тус аж ахуй нэгжид 960,000 мянган төгрөгөөр торгосон байна.

Эх сурвалж: Шуурхай.мн