Нийгэмд дуулиан та­риад байгаа хар тамхины хэргээр шүүгдэгчээр татагд­сан Г.Сарангэрэлийн өм­гөө­лөгчид өчигдөр хэв­лэлийн­хэнд хандлаа.

Тэд төрийн өндөр албан тушаалтай хууль, шүүх, цагдаагийн байгууллагын албан тушаалтнууд өм­гөөллийн үйл ажиллагаа явуу­лахад сөргөөр нөлөөлж улмаар үйлчлүүлэгчийг нь дарамталж худал мэдээлэл өгөхөд хүргэсэн гэж мэдэгдлээ.

Түүний өмгөө­лөгч Ц.Баасан­дорж “Саран­гэрэлийг би 461 дүгээр цаг­­дан хорих төвөөс очиж гар­гаж авсан.

Үүний дараа ут­саар захиалга ирсэн. Цагдаагийн нэр нөлөө бү­хий хүмүүс урьдчилж бэлд­сэн зочид буудалд оруу­лаад телевизүүдэд яриа өгөхийг тушаасан. Ийм л юм болсон. Миний хувьд “Star” телевиз рүү утас­даж “Түүнтэй унтаагүй” гэд­гийг нь хэлүүлсэн. “Star” телевизийн уран бү­тээлчид тухайн буудлын 402 тоотод нуугдаж байсан. Г.Сарангэрэл 504 тоотод байрлаж байсан юм.

Ингээд намайг явсны дараа шөнө дунд цагдаа нарын захиалсан 2 дугаар суваг телевизийнхэн ирж ярилцлага авсан. Маргааш өглөө нь Г.Сарангэрэл “Би юу хийчих вээ” гээд уйлаад байсан. Түүнчлэн амиа хор­лохыг завдсан үйл явдал ч болсон. Ингэж эрх мэдэлтнүүд бусдын амьдралаар тоглож болохгүй. “Чиний ялыг хөн­гөлж өгнө” гэж худал зүйл яриулж болохгүй шүү дээ” гэлээ.

Мөн Г.Сарангэрэлийн өм­гөө­лөгчийн ярьснаар, УИХ-ын гишүүн Х.Баттулгын хам­гаалагч Г.Сарангэрэлийг хамгаалж байгаа гэнэ. Уг нь тэд Г.Сарангэрэлийг хэв­лэлийн бага хуралд хамт ирэхийг хүссэн ч тодорхой шалтгааны улмаас болоод ирж чадаагүй гэдгийг хэлж байв. Энэ бүх үйл явдлаас болж бид Г.Сарангэрэлд өмгөөллийн үйл ажиллагаа үзүүлж чадахгүйд хүрч бай­на гэж ярьж байсан юм.

Мөн түүний өмгөөлөгч Г.Батбаяр “Эрүүгийн цаг­даа­гийн газрын нэр бү­хий ажилтан өнгөрсөн зур­гаадугаар сарын 18-ны өдөр Г.Сарангэрэл дээр очиж тодорхой хэмжээний саналуудыг тавьсан.

Өөрөөр хэлбэл, “Хэвлэлээр чамайг ингэж яривал бид чамайг суллах болно” гэсэн. Ингэж хэлсэн өдрөө шүүгч түүнийг цагдан хорих тө­вөөс гаргах захирамж гар­гасан. Энэ юу хэлж байна гэхээр Г.Сарангэрэлтэй цаг­даа­гийн байгууллагын хүн очиж уулзаад чамайг бат­лан даал­тад гаргая гэсэн шийд­вэрээ биелүүлсэн гэсэн үг.
Эндээс харахад цагдаа болон шүүгчид хоорондоо холбоотой гэдэг нь тодорхой болсныг миний үйлчлүүлэгч мэдсэн. Тэд хоорондоо хол­боотой байхад энэ хүн ял авахаас айна биз дээ.

Өөрөөр хэлбэл шүүг­дэгчийг гаргадаг субьект нь шүүх биш цагдаа болж таарч байгаа юм. Уг нь бид долоодугаар сарын 2-ны өдөр Эрүүгийн байцаан шийтгэх хуулийн 68.3-т заасны дагуу “Шүүгдэгчийг гаргаж өгөөч ээ” гэж хүсэлт гаргасан.

Гэтэл хугацаанаас нь өмнө гаргачихаж байгаа юм. Хоригдох хугацаа нь дуусчихаад байхад шүүг­дэгчийг гаргадаггүй мөрт­лөө Г.Сарангэрэлийг шууд л гаргасан” гэв.

Харин шүүгдэгч Г.Саран­гэрэл өөрийг нь гар­цаагүй байдалд оруулж, олон ни­тийн хэвлэл мэ­дээл­лийн хэрэгс­лээр худал мэ­дээ­лэл түгээхэд хүргэсэн эт­­гээдүүдэд хариуцлага хү­лээлгэх хүсэлтийг Цаг­даа­гийн ерөнхий газрын Дотоод хяналт шалгалтын хэлтэст хүргүүлсэн гэнэ. Мөн өмгөөлөгчид рүү нь цагдаагийн байгууллагын эрх мэдэлтэй хүмүүс утас­даж, их хэмжээний авлига өгөхийг завдсан тохиолдол ч гарчээ.
Тэд өмгөөлөгчтэй утсаар холбогдож “Г.Сарангэрэлээр ийм зүйл яриулах хэрэгтэй байна” гэснийг хурааж баримтжуулан авсан аж.

Энэ талаар өмгөөлөгч Г.Батбаяр “Утсаар надтай холбогдож чиглэл өгсөн хүн бол цагдаагийн байгуул­лагын нөлөө бүхий хүн. Энэ хүн салбар удирдаж байгаа сайдыгаа хүлээн зөвшөөрдөггүй учраас сай­дынхаа эсрэг ийм бусар­маг зүйл хийлгэж байна. Мөн өмгөөлөгчдийн ба­гийн заримд нь тухайн эт­гээд мөнгө өгч уг гүт­гэлгийн шинж чанартай нэвт­рүүл­гийг цааш нь түгээж өгөхийг шаардсан.
Урьдчилгаа мөнгө өгөөд дараа нь их хэмжээний мөнгө өгөх талаар хэлсэн. Энэ бол өмгөөлөгчийн ёс зүйд огт байж болохгүй зүйл” гэв.

Ямартай ч Г.Саран­гэрэлийн өмгөөлөгчид за­луухан бүсгүйг улстөрийн золиос болгон ашиглаж байна хэмээснээр эл хэв­лэлийн баг хурал дууссан юм.

Р.Төгс

Эх сурвалж: