НББСШУ-ны Байнгын хорооны хурлаар эмийн талаар төрөөс баримтлах бодлогыг хэлэлцсэн. Гэтэл ардаа “Монос” гэдэг эмийн том компанитай Л.Эрдэнчимэг гишүүн хуралдааныг орхин гарсангүй харин ч идэвхитэй оролцон саналаа өгч байсан. Уг нь ашиг сонирхолын зөрчлийн хуулиар гишүүн хатагтай уг хуралд суух ёсгүй байсан ч хуулийг зөрчжээ. Л.Эрдэнэчимэг гишүүн болсноос хойш “Монос” групп ЭМЯ-ны захиалгатай тендерт байнга шахуу ялж байгаа. Бүр илүү үнийн санал хэлээд ялсан тохиолдол ч бий. “Аймгуудын нэгдсэн оношлогооны төв болон хүүхдийн эрүүл мэндийн төвд шаардлагатай тоног төхөөрөмж худалдан авах” тендерийн хоёр багцад “Моносфармтрейд” компани ялсан. Гэхдээ тендерийн 1-р багцад бусад оролцогчидоос 330 сая, 9-р багцад 296 сая төгрөгийн илүү үнийн санал хэлээд ялсан нь одоо хүртэл шүүхээр маргаантай яваа. Тэгвэл саяхан ЭМЯ-наас эм импортлогчидод нэгэн тулгалт маягийн мэдэгдэл өгснийг бас л Л.Эрдэнэчисэг гишүүний лобби гэсэн гэсэн хардлага газар авчээ. Уг шийдвэрээр үндэсний үйлдвэрт үйлдвэрлэж байгаа импортын  эмийг шинээр бүртгэхгүй, хугацааг нь сунгахгүй гэж хатуу анхааруулж. Энэ нь тухайн эмийн импорт нь бүрэн зогсоно гэсэн үг юм. Тэгвэл энэ нь цаагуураа эмийн томоохон үйлдвэрлэгч болох “Монос”-ыг далдуур дэмжиж байгаа хэрэг хэмээн эмийн худалдаа эрхэлдэг бусад компани  эсэргүүцэж байна.

NUUTS.mn