Галзуу, хурц ааштай бүсгүйн дүрийг чадварлаг бүтээдэг эмэгтэй бол яах аргагүй жүжигчин Б.Навчаа билээ. Бүтээсэн дүр бүр нь үзэгчдийн сэтгэлд хүрч чаддаг тэрээр өөрийнхөө амьдралаас сэдэвлэн, гэр бүлийн хүчирхийлэлд байнга өртөж буй эмэгтэйчүүдийн амьдралыг харуулсан “Ларьдма” хэмээх киногоо дэлгэцийн хүртээл болгож үзэгчдээс өндөр үнэлгээ авсан билээ. Түүний өнгөрсөн амьдрал нь сайхан зүйлээсээ илүү хэцүү цаг үе олон байсан бөгөөд нөхөр нь гар хүрдэг байснаас үл ойлголцол нь даамжирч эцэстээ салахаас өөр аргагүйд хүрсэн гэдэг.

Тэрээр  “Кино зураг авалтын үеэр салсан нөхрөөс маань маш аймар үгтэй мессежнүүд ирж галзууруулах шахдаг байсан. Надад дотор бачуурч, ажил хийхэд хүнд, сэтгэл санааны стресст орох үе өдөр тутамд тулгардаг байсан. Сэтгэл санааны стресст орно гэдэг зодуулж гар, хөлөө хугалуулснаас хүнд тусдаг. Түүнийгээ би зөвхөн дотроо хадгалж, гаднаа юу ч болоогүй мэтээр ажилласаар тэр бүгдийг даван туулсан даа” хэмээн нэгэн хэвлэлд ярилцлага өгсөн байдаг. Үүнийг нь тэвчилгүй нөхөр нь хүртэл “Навчаа наймайг муу хүн болгож харуулж байна” хэмээн хэвлэлээр ярилцлага өгч олны анхааралд өртөж, хэсэгтээ л шар хэвлэлийн баатар болсон.

Тэгвэл жүжигчин Б.Навчаа нөхрөө санагалзсан бололтой өөрийн цахим хуудаснаа нөхөр хүүхэдтэйгээ авахуулсан гэр бүлийг халуун дулаан зургаа оруулжээ. Энэ нь фенүүдийнх нь анхаарлыг ихэд татаж “нөхөртэйгөө эргээд нийлсэн юм уу, Элэг бүтэн байх шиг жаргалтай зүйл гэж хаана байхав. Танай гэр бүлд аз жаргал хүсье…” хэмээн олон асуулт сэтгэгдэлээр булж орхив. Харин үүнд жүжигчин бүсгүй маань ямар нэгэн тайлбар хийгээгүй байна.

Эх сурвалж: Шуурхай.мн