УИХ-ын эмэгтэй гишүүд дундаа хамгийн их шар хэвлэлд өртөж “шар хэвлэлийн баатар” болсон гишүүн бол Л.Эрдэнэчимэг гэдэгт хэн ч маргахгүй байх. Анх тамхины тухай хууль санаачилсан ч энэ нь “хуурай хууль” болон замхарсан. Сүүлдээ гэртээ хүртэл тамхи татаж болохгүй гэх утгатай зүйл ярьсан нь олон хүний дургүйцлийг хүргэсэн нь нууц биш. Үргэлж юм болгон руу  үсчиж байдаг тэрээр энэ удаад сурын харваагаар хичээллэж эхэлсэн гэнэ. Нэг үе хөрөнгө мөнгөө гайхуулж “бенз” хоч зүүгээд авсан УИХ-ын гишүүнд маань сарвайгаагүй юм гэж үгүй. Ямар ч байсан тэр хорвоод байхгүй бенз машин унадаг талаараа гайхуулж ард түмнээсээ нэг тасарсан. Дараа нь өвөл цаг ирж нийслэлд цаг агаар хүйтэрснээс хойш утаа хаа сайгүй хөшиглөж, зарим газраар метрийн зайд байгаа зүйл хүртэл харагдахгүй болж, нүүрсний утаа хоолой ам хорсгоод байхад “Утаа их хэвээр байгаа нь үнэн. Гэхдээ хор нь бага” гэж хэлээд онигоонд ороод авсан.

Хийсэн ажилд нь ямар ч үр дүн харагдахгүй УИХ-ын гишүүн гэсэн сайхан албан тушаалд суудал бөглөх Л.Эрдэнэчимэг гишүүн сүүлийн үед ихэд завтай байгаа бололтой. Тэрээр үндэсний спорт болох сур харваагаар эрчимтэй хичээллэж байгаа бөгөөд “Завгүй ажлын хажуугаар үндэснийхээ спортод цаг гаргахгүй бол болохгүй нь” хэмээн сайхан шалтаг гаргаж байгаа гэнэ. Мөн энэ жилийн наадмаар сур харвахаар зэхэж байгаа гэнэ шүү. Хэдийгээр сур харваа нь Mонгол түмний эрийн гурван наадмийн нэг ч гэсэн Л.Эрдэнэчимэг мэт өмнөх ажлаа хийж чадахгүй эрхмүүдэд илүү ажил байгаа даа хэмээн олон хүн ярих болжээ. Улс орон нь эдийн засгийн хямралд орж, ард иргэд нь ядуурсаар байхад төрийн албадууд нь өөрсдийгөө зугаацуулах цаг зав гаргаж байгаа нь тийм ч сайхан санагдахгүй л байна. 

Эх сурвалж: Шуурхай.мн