Монгол бөхийн зүлэг ногоон дэвжээнээ нэгэн үеийг эзэгнэн явсан Далай аварга А.Сүхбат зодог тайлаад нэлээдгүй хугацааг үдээд байгаа. Залуугаараа монгол үндэсний бөхөөсөө хөндийрч өөрийн хойч үе, залгамж халаа болсон ирээдүйн аваргуудыг бэлдэхээр сэтгэл шулуудсан. Эдүгээ даян аварга маань бизнесийн ертөнцөд хөл тавьж амжилттай ажиллаж байна. Гэхдээ бөхийн замналаа орхисонгүй ээ. Бөхийн “Олимп” сургууль, “Олимп” дэвжээг байгуулан ирээдүйн бөхийн аварга, олимп, тив, дэлхийн аваргуудыг бэлтгэхээр зорьж яваа нэгэн юм. Хэдийгээр бөхийн дэвжээндээ дахин гарахаан больсон ч Монгол түмний хайр хүндэтгэлийг хүлээсээр байдаг билээ. Өдгөө ард түмний дунд А.Сүхбат аваргын “отгон эхнэр” хэмээн цоллуулсан Н.Гарамханд бүсгүйтэй гэр бүл болж сайхан амьдарч байгаа. Түүний “отгон эхнэр” болох  Н.Гарамханд нь бодибилдинг фитнессээр хичээллэж, олон тэмцээн уралдаанд гоо үзэсгэлэн, төгс бие галбирын хөгжлөөрөө олон эрийн нүдийг хужирлаж, охид бүсгүйчүүдийн үлгэр болж чадсан нэгэн. Тэрээр аваргын удаах эхнэр болж, үрийн зулай үнэрлэсэн ч биеэ сайхан хэвээр нь хадгалж хоёр дахь хүүхдээ төрүүлээд удаагүй байгаа юм. Даян аварга А.Сүхбат залуу гэргий Н.Гарамханд болон найз нөхөдтэйгөө хөгжилдөж байгаа зургаа цахим хуудаснаа нийтэлсэн байна. Тэрээр дэлхийн сонгодог урлагийн олимп гэгддэг М.Глинкийн нэрэмжит олон улсын дуурь дуулаачдын 24 дэх удаагийн тэмцээнээс гран при шагналыг нь эх орондоо авч ирж 21-хэн насандаа Монгол Улсын гавьяат жүжигчин цолоор энгэрээ мялааж байсан Г.Ариунбаатартай хамтдаа дуулж хуурдан нэгэн үдшийг зугаатай өнгөрүүлжээ.

Эх сурвалж: Шуурхай.мн