Хууль зүйн сайд Х.Тэмүүжингийн “нууц амраг” хэмээгдээд буй Г.Сарангэрэл охин ШШГЕГ-ын харьяа хорих 461 дүгээр ангид саатуулагдаад байгаа.

Тэрээр 2014 оны 3-р сарын 02-ны 22 цагийн үед Сүхбаатар дүүргийн нутаг дэвсгэрт Х.Гэрэл, Г.Сарангэрэл, Б.Энэрэл, Б.Отгончимэг гэх дөрвөн охин “Миами” зочид буудлын гадна автомашин дотор “Метафетамин” буюу мөс хэмээх хар тамхи хэрэглэж байгаад газар дээрээ цагдаа нарт баригдсан ажээ. Гэхдээ энэ дөрвөн охин хаанаас, ямар хүнээс хар тамхи авч хэрэглэсэн болохоо хэлэхгүй байсан тул цагдаа нар тэдний гар утасны орсон, гарсан дуудлагыг хянаж ямар хүмүүстэй харьцсан болохыг олж тогтоохоор ажилсан гэнэ. Тэгтэл Г.Сарангэрэл гэгч охины ашиглаж байсан 9961…, 9520… гэсэн дугааруудаас тэр өдөр сэжиг бүхий нэг дугаар луу маш олон удаа залгасан болох нь анзаарагджээ. Цагдаа нар энэ хоёр дугаарын цаана хар тамхи, мансууруулах бодис худалддаг гэмт этгээд байж болзошгүй гэж үзэн энэ дугаарыг эзэмшдэг хүнийг олж тогтоох зорилгоор Г.Сарангэрэлийн 9961…, 9520… дугаараас гадагшаа гарсан ярианы цэсийг УЕПГ-ын зөвшөөрлөөр оператор компаниас нь гаргуулан авч дүн шинжилгээ хийтэл их л хачирхалтай зүйл болсон. Г.Сарангэрэлийн 9961… дугаараас 71 удаа залгасан, 9520… дугаараас 41 удаа залгаж холбогдсон 9910… дугаар нь Хууль зүйн сайд Х.Тэмүүжингийн гар утасны дугаар болох нь тодорхой болжээ. Энэ бол хар тамхинд холбогдсон охин, хууль зүйн сайд хоёр нэлээн гүн гүнзгий холбоотой болохыг гэрчилсэн явдал болж хэвлэл мэдээллүүдээр тэдний тухай яригдах болсон. Г.Сарангэрэл гэх охины хувьд ч элдэв янзаар хэвлэл мэдээллээр цацагдаж түүнийг танихгүй хүн бараг ховор болсон гэхэд буруудахгүй. Зураг, хөрөг нь хэвлэл мэдээллээр цацагдаж хар тамхичин, биеэ үнэлэгч зэрэг муу муухайгаараа дуудуулсан Сарангэрэлийн аав Ганбаатар нэгэн хэвлэлд ярилцлага өгсөн юм. Тэрээр “Би эцэг хүний хувьд охиноосоо асуусан. Миний охин Тэмүүжинг танихгүй, мэдэхгүй гэсэн. Би охиндоо ганц ч удаа гар хүрч үзээгүй. Хэзээ ч дарамт шахалтад байлгаж байгаагүй. Тэмүүжин ч тэр их ажлын хажуугаар элдэв зүйлд сатаараад явах хүн биш байлгүй дээ” гэв. Харин охиных нь энэ байдлыг ашиглаж байгаа УИХ-ын гишүүн О.Баасанхүүд их гомдож байгаа гэнэ. Энэ талаар хэлэхдээ “Охины минь талаар мэдээллийг зураг хөрөгтэй нь гаргаад. Сүүлдээ намайг танихгүй мэдэхгүй хүнгүй болж байх шиг байна. УИХ-ын гишүүн О.Баасанхүүд их гомдож байна. Албан тушаал горьдсон асуудалдаа хүүхэд ашиглахаа болиоч. Та нар миний муу охиноор битгий тоглоом хийгээд бай гэж хэлмээр санагддаг. УИХ-ын Хууль зүйн байнгын хорооныхон ч буруутай. Миний үстэй толгой Баасанхүүгээс болж цайсан. Би эрүүл мэндийнхээ хохирлыг тэр хүнээс гаргуулна” хэмээв.

Эх сурвалж: Шуурхай.мн