Сүүлийн үед Иргэний хөдөлгөөнд нэгдэж яваад Их хуралд суух болсон Д.Батзандан Ерөнхий сайдтай түнжин хагарч, багагүй асуудалтай байгаа. Тэрээр “Ерөнхий сайд намын нөхдөө дарамталдаг, ална хядна гэж хүртэл сүрдүүлдэг” гэж мэдэгдэж байсан. Тэгвэл Д.Батзандангийн ганц найз ШӨХТГ-ын дарга О.Магнай ч бас  Ерөнхий сайдынхаа үгэнд орохоо байгаад  гэнэ. Тэрээр дуртай үедээ гадаадад зугаалж Шинэчлэлийн Засгийн газрын тэргүүнийг бухимдуулж байгаа аж. Үгнээс нь зөрж, том толгой гаргах болсон О.Магнайг Н.Алтанхуяг хашраахаар шийдэж, гурван сарынх нь  цалинг 20 хувиар бууруулах тушаал гаргаад байна. Хэрэв О.Магнай алдаагаа дахин давтвал Ерөнхий сайд ажлаас нь чөлөөлнө гэдгээ урьдчилан сануулсан гэнэ.