Хэдхэн хоногийн өмнө Сонгинохайрхан дүүргийн 805 залуу нэг өдөр Ардчилсан намд гишүүнээр элсч, батлахаа гардан авсан нь улстөрийн сонин содон үзэгдэл болсон билээ. Учир нь улстөрийн нам байгуулахад 801 хүний гарын үсэг шаардлагатай байдаг бол энэ удаад 805 залуу нэгэн зэрэг Ардчилсан намыг сонгосон явдал юм. Мөн энэ үйл явдалтай давхцан бас нэг содон үйл явдал тохиосон нь Хамуг Монголын хөдөлмөрийн намын Цэцийн дарга, УИХ-ын гишүүн Ц.Шинэбаяртай нэр нэг амьдаа тус намд элссэн явдал байжээ. Гэхдээ түүнийг залуусын дунд зохион байгуулсан асуулт, хариултын тэмцээнд түрүүлэх хүртэл жинхэнэ нэрийг нь төдий л олон хүн анзаараагүй аж. Харин тэмцээнд ялсан ялагчийн нэр хэн бэ гэсэн асуултад тэрбээр “н.Шинэбаяр” хэмээн хариулсанд залуус түүнд “Шинэ Шинэбаяр” гэх тодотгол өгч, улстөрийн амьдралд идэвхитэй оролцохыг уухайлжээ. Харин Ардчилсан намын дарга Н.Алтанхуяг н.Шинэбаяр залууд өөрийн зүүж байсан цагаа бэлэглэсэн гэнэ.  2011 оны өвөл Ардчилсан намд элсч байсан залуу тун удахгүй дэвшсээр Ц.Шинэбаяр гишүүний нэгэн адил чуулганы танхимд сууж байх ч юм билүү, хэн мэдлээ дээ.