“Шинэ үе” продакшны жүжигчид болох Ц.Алдармаа, Д.Оюунтуул нарын нэгнийгээ халуун усаар түлж “алах” шахсан шуугиан одоо л намжиж байх шиг. Хоёр бүсгүйн маргаан эцэстээ тулж, ширүүсэнээр нэгэн рүүгээ халуун ус цацаж хүндээр гэмтээж эмнэлэгт хүртэл хүргэгдээд авсан билээ. Тэгвэл энэ хэрэгт одоогоор эрүүгийн хэрэг үүсгэсэн зүйл байхгүй бөгөөд хоёр жүжигчний хувьд аль, аль нь гомдол мэдүүлээгүй байгаа талаар хэвлэл мэдээллийн хэрэгслээр цацагдсан.

Харин Орхон аймгийн цагдаагийн хэлтсээс энэ хэрэгт эрүүгийн хэрэг үүсгэсэн бөгөөд удахгүй харьяалалын дагуу нийслэлрүү шилжүүлэх гэнэ. Тиймээс олон нийтийг цочроогоод байсан хоёр бүсгүйн хэрэг прокурорт шилжих аж. Ямартай ч уг хэрэг эцэслэн шийдэгдээгүй байгаа ч Ц.Алдармаа, Д.Оюунтуул нарын энэхүү бүдүүлэг, галзуу гэмээр авир нь ард түмний дунд онигоо болон хувирсан. Тэдний талаар цахим ертөнцөөр олон хүмүүс хошигнож бүр дулааны шугам сүлжээг засаж буйтай холбогдуулан халуун ус хязгаарлаж байгаа явдлыг “Алдармаагаас айгаад халуун ус тасрав” хэмээн ярилцаж явна.

Эх сурвалж: Шуурхай.мн