“Шинэ үе” продакшны Ц.Алдармаа, Д.Оюунтуул нарын нэгэн рүүгээ буцлам халуун ус цацаж гэмтээсэн маргаан олон нийтийг цочроогоод байгаа. Энэ талаар Алдармаа мэдээлэл хийж “Би ч гэсэн хохирогч” хэмээн тайлбар өгөөд байсан. Харин Оюунтуул ямар нэгэн тайлбар хийгээгээгүй байсан бөгөөд саяхан нэгэн хэвлэлд ярилцлага өгч анх удаа тайлбар хийж ажлын хамт олон болон үзэгчидээсээ уучлалт гуйлаа. Тэрээр “Нийгмийг ихээр зочирдуулсан, ялангуяа эмэгтэйчүүд, ямар нэг харгис хэрцгий алуурчин тонуулчин хүмүүс биш, урлагийн хүмүүс, уран бүтээлч бүсгүйчүүд хэрнээ ийм муухай балмад хэрэг гаргасандаа миний зүгээс маш их харамсаж байгаа. Бидэн шиг охин үртэй олон олон аав ээжүүд бий. Гэтэл нийгэм ийм аймар болсон юм уу гэмээр аймшигтай, олныг цочирдуулсан хэрэгт холбогдсондоо би маш их харамсаж байна. Үүндээ гүн харамсаж байна.
Би Шинэ үе продакшнд 2006 оноос хойш харъяалагдан ажиллаж байгаа. Гэтэл миний ажил амьдралыг залгуулж өдий зэрэгт хүргэсэн “Шинэ үе” продакшны олон уран бүтээлчид болон Бооёо захиралыгаа сэтгэл санааны гүн хямралд оруулж, хамт олныгоо зүгээр байхад нь эвгүй байдалд оруулж, бид хоёрын хувийн маргаанаас болж, тэднийхээ нэр хүндэд халдсандаа маш их харамсаж байна. Тэднээсээ бас түмэнтээ уучлал хүсмээр байна” хэмээжээ.

Мөн энэхүү маргааныхаа талаар тайлбарлахдаа “Алдармаа бид хоёрын яг цэвэр хувийн асуудал. Бид хоёрын маргаан продакшнтай болон хэн нэг хүнтэй холбоотой биш. Уран бүтээл болон, жүжгийн дүрээ булаацалдсан, эр хүн булаацалдсан зүйл бол огт байхгүй. Ер нь гадны нөлөө огт байхгүй. Цэвэр хоёр хүний хувийн л маргаан. Үйл явдлын хувьд тоглолт дууссан амралтын цагаар болсон. Бид хоёрын талаар манай уран бүтээлчид маань мэдээгүй. Маргаан дуусаад намайг түлэгдсэний дараа мэдэж, эмнэлэгт хүргэсэн. Яг юунаас улбаатай, яагаад маргаан үүссэн талаар би тодорхой зүйл ярихгүй. Хуулийн байгууллагад хандсан учраас хэргийн талаар үүнээс илүү зүйл ярьж, олон нийтэд дэлгэж болохгүй. Удахгүй хэрэг шалгагдаад дууссаны дараа бүх зүйл тодорхой болох байх” гэсэн юм.