Урлаг соёлынхон дундаас бүсгүйчүүд шүүхийн хаалга татаж ял сонсож байсан удаа тэр бүр байдаггүй. Тэгвэл жүжигчин Г.Золзаяа шүүхээс ял сонсож 6 сарын тэнсэн харгалзах ял сонссон байна. Нэг хэсэг шар хэвлэлийн бай болж, гэр бүлийн асуудлаар хэсэгтээ л шуугиан тариад авсан. Түүний дараагаар жүжигчин Г.Золзаяа найз нартайгаа нийлж нэгэн бүсгүйг зодож танхайрсан талаарх мэдээлэл ч гараад байсан. Хэргийг эргэн сануулахад тэрээр “Макс” бааранд найз нартайгаа наргиж байхдаа Ану гэх бүсгүйтэй муудалцсан байна. Хохирогч Ану хэмээх бүсгүй маргалдаад гэртээ харихаар гарахад Г.Золзаяа араас нь дагаж бүсгүйг машинаа гараждаа тавих гэж байхад нь зодсон аж. Энэ хэрэг Сүхбаатар дүүргийн мөрдөн байцаах хэлтэст шалгагдаж байхдаа янз бүрийн шалтгаанаар хойшлогдсоор байгаад саяхан шийдэгджээ.

Харин энэхүү ялынхаа талаар Золоо “Ийм худлаа мэдээлэл гаргуулаад байгаа хүн нь болиосой гэж бодож байна даа” хэмээжээ. Ямартай ч элдэв дуулиан, шуугианаас салдаггүй “Боевик” хочтой болоод байгаа жүжигчин бүсгүй маань эцсээ хүртэл гүрийхээр шийджээ.

Эх сурвалж: Шуурхай.мн