4-р сарын 23, 24-ний өдрүүдэд UB Palace-ийн Их танхимд Эрсдлийн удирдлагын үндэсний төвийн дарга, лектор Д.Гантулга “Цаг ирлээ” лекцээ олон нийтэд зориулан уншлаа.  Энэ лекцийн сонсогчид Их танхимын 3000 гаруй суудлыг 2 өдрийн турш дүүргэсэн нь өнөөгийн залуус маань оюунлаг чиг хандлагатай болж, ирээдүйгээ өөдрөг хардаг болсны нэг тод жишээ гэлтэй.

Тус лекцийн үеэр урлаг соёлын залуухан одод ирж, лекцэнд хүрэлцэн ирсэн сонсогчдод ая дуугаараа бэлэг барин, сонорыг нь мялаасан юм. Энэхүү үр өгөөжтэй, оюунлаг лекц олон, олон залуусын ирээдүйд итгэх итгэлд нь урам хайрлан, оюун билгийн мэлмийг нь нээхэд ихээхэн хувь нэмэр орууллаа хэмээн сонсогчид талархаж байна.