УИХ-ын хаврын чуулган эхэлсэн өдрөөс төв талбайд “хаврын синдром” гэж нэрлэгддэг жаг­саалууд эхэлсэн.
Тэдний дундаас өөрийн гэсэн содон өнгөтэй байж ялгарч чадсан нь МАН-ын гишүүдийн давхар дээлийг тайлах жагсаал. Тэд ийн жагсахдаа “Өсвөр үеийнхний 40.9 хувь нь хар тамхинд умбалаа”, “Айл бүрт нэг янхан, нэг архичин байна” гэж хэлсэн иргэдийн бухимдлыг төрүүлсэн. Тэр даруйдаа л цахим ертөнцөд тэсрэлт болж, залуус өөрсдийн дуу хоо­лойгоо хүргэж эхэлсэн.

Тэгвэл өчигдөр үүний эсрэг нэгдсэн залуус МАН-ын байрны өмнө ирж хүйтэн бороог ч үл ажран “Би янхан биш”, “Манай гэрт хар тамхичин байхгүй”, “Би архичин биш” зэрэг лоозон барин жагсав. Тэдний хувьд олон ний­тийн харилцааны цахим хэрэгслээр дамжуулан нэг­дэж, энэ үйл ажил­лагааг хийж байна гэсэн юм.

Жагсаалд оролцогсдын дий­­­лэнх нь оюутан байсан бө­­гөөд арай ахмад болов уу гэ­­мээр нэгнээс нь яагаад энд жаг­­саж байгааг асуухад “Би энд эхнэр­тэйгээ ирсэн. МАН-ынх­­ны үзэж буйгаар бол манай эхнэр янхан, би архичин, миний охин хар тамхичин юм байна. Мөрөөрөө ажлаа хийгээд явж байгаа залуус руу ингэж турхирах ямар шаардлага байсан юм бол. Тэд албан ёсоор уучлалт гуйх ёстой” гэж байсан юм. Өөрсдийн хүслээр нэгдсэн залуус цаасан дээр өөрсдийн хэ­лэхийг хүссэн үгсээ бичиж, га­рын үсгээ цуг­луулан тус намын удирд­лагуудад өгнө гэж байв.

Мөн тэдний зүгээс “Улс­төрийн шоу хийхдээ өсвөр үеийнхэн, залуучуудыг дором­жиллоо. Ба­га насны хүүхэдтэй залуу гэр бү­лүүдэд энэ маш том цохилт болсон” хэмээн бу­химдлаа дайж байлаа.

Түүнчлэн МАН-ын жагсаалын үеэр олны анхаарлыг татсан “Өсвөр насны хүүхдүүдийн 40.9 хувь нь хар тамхинд умбалаа” гэх урианаас үзвэл нэг сая 130 мянган залуусын 440 мянга нь хар тамхичин болж таарч байгаа юм. Харин МАН-ынхан энэ талаар хаанаас авсан ямар судалгаа вэ гэдгийг хэлээгүй.
Сүүлийн үед жагсаал цуг­лаан зохион байгуулагчид их, дээд сургуулиудаар явж жаг­саалд оролцох зар тарааж бай­гаа хэдий ч оюутнууд ирэх нь багассан. Харин МАН-ынхны энэ үйл­дэл залууст таалагдаагүй, тэр ч бүү хэл Монголын нийгмийг, за­­луу гэр бүлүүдийг бүхэлд нь доромжилсон үйлдэл болсон тул иргэд ийн өөрийн хүслээр нэгдэн үзэл бодлоо илэрхийлж байна.

Ямартай ч өчигдөр болсон залуусын цугларалт “Өт хүртэл өөрийг нь оролдохоор өрвөлздөг” гэдгийг харууллаа. Тэдний зү­­­гээс намын удирд­лагууд ал­бан ёсоор уучлалт гуйтал эсэр­гүүц­лээ үргэлж­лүүлнэ гэдгээ хэлж байсан юм.

Мөн цаашид ч гэсэн энэ мэт улс­төрийн доромжлолд залуусыг өртүү­лэхгүй байхын төлөө олон нийтийн цахим сувгуудыг ашиг­лан үзэл бодлоо илэрхийлэх болно гэж байв.

Ийнхүү хавар цагийн нээлт болсон төдийгүй багтай сай­дуу­дын дээлийг талбай дээр тай­луулж “МАН-ын менежмент ши­нэлэг байлаа”, “Хийх юмаа олж ядсан юм” хэмээн сайн мууг дагуулж байсан уг жагсаал залуусыг дуу хоолойгоо нэгтгэхэд хүргэжээ. Мөн эрхээ хамгаалж, нэр төрөө сэргээхээр цугласан залуус Монголын залуус сон­гуулийн насныхан дунд чамгүй жин дардаг гэдгийг ч мөн сануулж байсан юм.

М.Санчир

Эх сурвалж: