Бид өдөр бүр генд сөргөөр нөлөөлдөг химийн бодисоор хордсон хүнсний ногоо идэж байна

Манай улсын газар тариа­лан­гийн гол бүс нутаг болох Сэлэнгэ, Ховд, Булган, Төв айм­гийн зарим суманд тарьж ур­гуулсан хүнсний ногоонд хи­мийн хорт бодис болох пестицид олон улсын стандартад заасан зөв­шөө­­рөгдөх хэмжээ­нээс хэт давж иргэдийн эрүүл мэнд, цаашилбал амь насанд за­налхийлж эхэллээ.

Тодруулбал монголын хөрсөнд тарьсан хүнсний но­гоо­ны 40 хувь, Хятад улсаас им­пор­тоор оруулж ирж байгаа жимс, жимсгэнэ болон хүнсний ногооны 80 орчим хувьд дээрх хортой химийн бодис их хэм­жээгээр агуулагдаж байгаа нь судалгаагаар тогтоогдсон байна.

Одоогоос гурван жилийн өмнө манай улсад тарьж ургуулж байгаа хүнсний но­гооны хорт бодисын үзүү­лэлт 20 хувьтай байсан бол өдгөө хоёр дахин өсч 40 хувьд хүрчээ.
Пестицид нь генд сөргөөр нөлөөлдөг

Хүнсний ногоо болон жимс, жимсгэнд хлорт пес­тицидийн хэмжээ олон улсын стандартад заасан зөвшөөрөгдөх хэмжээнээс хэт их байгаа нь хүн амын дунд хорт хавдар, генетик, чихрийн шижин зэрэг өвч­лөл ихсэх үндсэн нөхцөл болж өгдөг аж.

“Пестицид буюу хорт бодис нь хүний мэдрэлийн тогтолцооны үйл ажиллагааг хямруулж улмаар дотоод шүүрлийн булчирхай, цус төл­жүүлэх эрхтэн, зүрх су­дасны тогтолцоо, элэг бөөрөнд муугаар нөлөөлдөг байна.

Түүнчлэн бэлгийн эс хордуулах, ургийн гаж хөг­жил, төрөлхийн согогтой хүү­хэд төрөх, хүний хром­сом, генд нөлөөлөх, хорт хав­дар үүсгэх зэрэг аюултай хорт бодис” юм.

Хүнсний ногоонд агуулагдах хорт бодисын үзүүлэлт хоёр дахин өсчээ

Энэ талаар Монголын хэ­­рэглэгчдийн эрх аш­гийг хам­гаалах нийгэм­лэгүүдийн нэгдсэн холбоо­ноос Дэлхийн эрүүл мэндийн бай­гуул­лагын санхүү­жилтээр өн­гөрсөн оны тавдугаар сараас эхлэн жимс жимсгэнэ болоод хүнсний ногоонд агуулагдах хорт бодисын судалгааг хийжээ.

Уг судалгаанд хавар, нам­рын шинэ ургац болон өнжсөн жимс, жимсгэний дээжийг хамруулсан байна. Харамсалтай нь нийт 275 дээжийн 40 хувьд нь пес­­тицид буюу хорт бодис илэрчээ.

Тухайлбал Сэлэнгэ айм­гаас авч ирсэн ногооны 55 хувь, Төв аймгийн зарим сумаас ирсэн ногооны 34, Өмнөговийн улаан лооль, өргөст хэмхийн 33 хувь, Баянзүрх дүүргийн нутаг дэвсгэрт тарьж ур­гуул­сан улаан лооль, өргөст хэмхийн 40 хувьд нь их хэмжээний хорт бодис агуу­лагдаж байсан бол Хятад улсаас орж ирж байгаа им­портын хүнсний ногооны 49 хувьд нь пестицидийн үл­дэгдэл маш их, 31 хувьд нь нэлээд их пестицид буюу хорт бодис агуулагдаж бай­сан нь тогтоогджээ.

Дээрх судалгаанаас ха­рахад эх орны хөрсөнд тарьж ур­гуул­сан эрүүл хүнс гэж сур­талчилдаг хүнсний ногоо Хятад улсаас импортоор оруулж ирж байгаа ногооноос ял­гаг­дах­гүй болсон байна.
Үүнээс гадна шинэ ур­гацын болон хуучин хад­галагдаж байсан жимс, жимсгэний 80 гаруй дээ­жинд шинжилгээ хийхэд алим, усан үзэм, гадил зэ­рэг жимсэнд пестицидийн үл­дэгдэл их, витамин С-гийн хэмжээ эрс багассан нь ч илэрсэн байна.

Харин Дэлхийн эрүүл мэндийн байгууллагаас ой­рын 10 жилд хорт хавдрын их цунами болно гэх судал­гаа гаргажээ.

Хорт хавдрын цунамид нэр­вэгдэх орны тоонд Ази, Африкийн ядуу буу­рай орнууд төдийгүй Мон­гол Улс дээгүүрт орж бай­гааг тэмдэглэсэн байна. Мэр­гэ­жилтнүүдийн хэлж бай­гаагаар энэ талаар даруй арга хэмжээ авахгүй бол манай улс 10 жилийн дараа гэхэд эрүүл хүнсний ногоо хэрэглэж чадахгүйд хүрэх аюул нүүрлээд байгаа аж.

Б.Төрбат

Эх сурвалж: