Өчигдөр “МАХН-ын ги­­­­шүүд дэмжигчдийн хол­боо” болон “Бүх ард түм­ний их хуралдай” ТББ-аас сэтгүүлчдэд мэдээлэл хий­­сэн нь сүүлдээ бөөн хэ­рүүл болж бараг л гур­вал­­жин, дөрвөлжин зо­доон бол­чихолгүй шиг нэг юм салцгаав.

Уг нь “МАХН-ын ги­шүүд дэм­жигч­­дийн хол­боо” ТББ-ын тэргүүн Г.Баяр­­­сайхан, “Бүх ард түм­­ний их хуралдай” ТББ-ын тэргүүн М.Ганзориг, гүй­цэтгэх захирал Б.Цэрэн­дорж нар хурал хийхээр зар­ласан ч тэдний хуралд МАХН-ын жинхэнэ “улаан хамгаалагчид” хүрэлцэн ирс­нээр ийнхүү хэвлэлийн бага хурал биш хэрүүл, тэмцлээр өндөрлөсөн юм.

Хэвлэлийн бага хурал зарлагчид “Манай хоёр бай­гууллага хамтраад МАХН-ын үйл ажиллагааг тараах нэхэмжлэлийг Улсын дээд шүүхэд гаргалаа. Бид­ний өг­сөн нэхэмжлэл техникийн зарим асуудлаас болж буцаж ирсэн. Дахин засвар хийгээд өгсөн. Энэ нам ямар үйл ажиллагаа явуулж байгаа юм бэ. Шударга ёсонд ний­цэж байгаа юм уу.

Намын дарга Н.Энх­баяр шоронд орсон. Ерөнхий­лөгчийн уучлалаар түр га­раад Солонгос улсад орогнож байгаа. Гэтэл түүний ял ав­сан хэргээс гадна дахин 5-6 хавтаст хэрэг нээгдсэн.

С.Билэгт, “Sky tower” зэ­рэг компани, хувь хүмүүс өргөдөл гаргасан байгаа. Тэд­нийг айлган сүрдүүлж дарамтлах замаар мөнгө авч байсан юм байна билээ. Тэр­бээр буцаж ирээд шүүхээр асуудлаа шийдүүлнэ. Үүний­гээ өөрөө мэдэж байгаа бо­лохоор ирж чадахгүй байна.

Мөн бусад гэмт хэрэг дээр ял авахад бэлэн болчихсон бай­гаа. Энэ бүгдийг хар­гал­­заж үзэхэд МАХН бол Мон­­голын улстөрд орсон хорт хавдар юм. Энэ хорт хав­дарыг таслан зогсоох цаг нь болсон.

Н.Энхбаяр албан ту­шаал най­маалцдагаараа алдар­­тай. Энэ үйлдэл нь түү­нийг Ерөнхий сайд бай­хад эхэлсэн” гэв. Тэд иймэр­хүү мэдээлэл хийгээд сууж байтал МАХН-ын “улаан хамгаалагч” таягтай өв­гөн үсрэн босч тэдний чанга яригчийг шүүрэн авч жин­хэнэ улстөрийн хор­лон­той хэрүүл үүсгэсэн юм.

Тэр мэдээлэл хийгч гурав руу дайрч “Та нар түүхэн намыг ингэж болохгүй. Хурандаа нэртэй хулгайч Г.Баярсайхан чи Н.Энхбаяр даргаас албан тушаал гуйгаад бүтэхгүй болохоор ингэж яваа шүү дээ.

Надад албан тушаал өгөхгүй бол танай намын эсрэг чадлаараа тэмцэнэ гэж ярьж явсан. Албан тушаал эрх мэдэл хай­сан энэ гурван урвагчийн мэ­дээллийг хэв­лэлүүд битгий гарга” гэц­гээж, хурлыг бу­жиг­нуулаад хаячихав.

МАХН-ын гишүүдийн нэг болох өндөр настан C.Хорлоо “Би шударга ёсны төлөө тэмцэж явсан хүн.

МАХН-ын гишүүн өндөр настан C.Хорлоо

Ард түмний бүх хуралдайгаар Н.Энхбаярыг намын даргаар сонгосон. Энэ хүмүүс ингэж шал худлаа ярих хэрэггүй. Г.Баярсайхан гэж энэ ичих нүүргүй амьтныг Шадар сайд Д.Тэрбишдагва ажлаас нь халчихсан юм. Түүнд өс санаад ингэж худлаа цуурч яваа юм” гэв.

Сүүлдээ Г.Баярсайхан С.Хорлоо өвгөн хоёр мар­гал­даж, бараг л таяг, гар хоёроо зөрүүлцгээв. Үймээн болж байх хооронд гад­наас МАХН-ын Удирдах зөв­лөлийн гишүүн Д.Мөнх­төр гэх залуу орж ирнэ лээ. Тэрбээр “Би МАХН-ын Удирдах зөвлөлийн ги­шүүн байна. Энэ хүмүүс тө­рийн албанд орж чадахгүй болохоор ингэж яваа юм. Би ч гэсэн төрийн албанд орохыг хүсч байна.

Гэхдээ шалгалт өгөөд тэнцээгүй тэгээд орж ча­даагүй. Гэтэл намайг ажилд авахгүй бол танай на­мын эсрэг хамаг чад­лаа­раа тэмцэнэ гээд явж байгаа ийм хүмүүсийг бит­гий хэвлэлээр гаргаач ээ. Шударга ёс үнэн юм уу. Худалдагдсан хүний үг үнэн юм уу” хэмээн энхрий хайрт намаа зад өмөөрөв.

Ийнхүү хэвлэлийн бага хурал биш “Монгол Ньюс” компанийн байрыг бүхэлд нь доргиосон жинхэнэ холион бантан улстөрийн эмгэнэлт, инээдмийн тэмцэл болоод өнгөрсөн юм.
Дээрх нөхөд хэн хэ­нийгээ “Улстөрийн хорт хав­дар” гэцгээсэн. Чухам аль нь улстөрийн жинхэнэ хорт хавдар вэ гэдгийг цаг хуга­цаа л харуулах болов уу.

Д.Түвшин

Эх сурвалж: