“Spike” хэмээх охидын хамтлаг нэгэн үед мэндэлж, цагтаа ч залуусыг доргиож байсан. Гэсэн ч бараг л нэг дор байгуулагдсан бусад boyband-үүдээ бодвол охидынх гэдгээрээ өнгө чимэг нэмж байсан тэд өөр хоорондоо санаа оноо нь таараагүйгээс муудалцаж, төд удалгүй салж тарцгаасан. Харин Минжээ, Номин хоёр “Бид яасан ч хэрэлдэхгүй, гэхдээ хамтдаа дуулахгүй. Ганц ганцаараа дуулна” гэлцэж нэг хэсэг тусдаа уран бүтээл хийж байсан ч төдийлөн олонд хүртээгүй.

Харин өдгөө орчин цагийн залуусын дунд “Нүцган байхыг минь битгий хараарай″ нэртэй дуугаараа мартагдаагүй дуучин Э.Минжинсор Америкт олон жил амьдарч  байгаа. Тэрээр Грек эртэй ханилж хоёр ихэр охидоо гэдсэндээ байхдаа харийн залуугаасаа салсан гэдэг.

Хоёр хөөрхөн ихэр охидын ээж болсон Э.Минжинсор эх орондоо хааяаа ирдэг ч олны нүдэнд өртөхөөс ихэд эмээдэг гэнэ.

Нэгэн удаа ангийнхаа хүүхдүүдтэй уулзаж суух зуур түүний ахын найз болох Шударга өрсөлдөөн, хэрэглэгчийн төлөө газрын дарга О.Магнайтай тааралдсан аж. Тэрээр гэр бүлийнхэн болон найз нөхөдтэйгээ хамт сууж байсан Э.Минжинсорыг хараад О.Магнай дарга ч ихэд баярласан бөгөөд ихэр охидыг нь өвөр дээрээ эрхлүүлж, багагүй хууч хөөрчээ. Энэ агшныг нь гэрэл зурагт буулгасан биш дуучин Э.Минжинсор, О.Магнай даргын нэр хэвлэлээр холбогдож асуудал үүсээд авсан нь нууц биш. Дуучин бүсгүй үүнд нэлээдгүй эмзэглэж “Уг нь ахын маань сайн найз юмсан, гэтэл ингэж нэр холбогдоод байхдаа яахав дээ” хэмээн бухимдсан гэнэ шүү.

Эх сурвалж: Шуурхай.мн