Монголын хип хоп урлагт өөрийн шулуухан яриа, шударга зангаараа олонд сайшаагддаг реппэр Gee-г залуу үеийхэн сонсох дуртай. Өнөөгийн нийгмийн байдлыг хатуухан үгээр ” шоглочихдог″ реппэр маань халамцуу аниатай таарсан хөгтэй явдлаа өөрийн цахим хуудсандаа дэлгэжээ. Тэрээр “Өчигдөр нэг газар халамцуу аниа:

– Уучлаарай эгчийн дүү. Ганц зураг авахуулчихъя. Чи чинь нөгөө Гайс-ийн хэн билээ???

– Өө уучлаарай эгч ээ та хүн андуураад байна

– Үгүй ээ үгүй андуураагүй. Нөгөө Дижиталын хэн ш дээ чи чинь!!!

– Биш ээ эгч ээ андуураад байна.

– Андуураагүй ээ нөгөө татарын хэн билээ чи чинь. За тэр ямар хамаатай юм. Харсан л хүүхэд байна. Зурагаа авахуулаадах л даа.

– Эгч ээ би чинь танай тэндхийх ш дээ. Тэгээд л та харсан санагдаад байхгүй юу.

– Өөө тийм билүү??? тэгээл хэлчихгүй юун сүртэй юм. Заасссс явлаа…

Ийм л юм боллоо хаха” хэмээн өөрийн шүтэн бишрэгчидтэйгээ хөгжилтэй болсон явдлаа хуваалцжээ.

Эх сурвалж: Newsline.mn