“Киви” хамтлагийг тарсан хэмээх яриа хэвлэлээр яригдах бослон ч тэд уран бүтээлээ хийсээр байгаагаа тунхаглахаар нэгэн өвөрмөц клипийг дэлгэлээ. Энэ бол тэдний тун удахгүй гаргахаар зэхээд байгаа хос цомгийн анхны уран бүтээл “Хайр нь арыг нь даана” дууны клип юм. Тэд энэ жил тохиох хамтлагийнхаа 10 жилийн ойд зориулан хос цомог, хэд хэдэн клипийг дэлгэхээр хэдийнэ бэлэн болгоод байгаа гэнэ.

Кино шиг зохиолтой “Хайр нь арыг нь даана” дууны клипийг “Black Zibra” студиэр клип хийлгэж гол дүрд “Киви” хамтлагийн гишүүд өөрсдөө тоглон сэтгүүлч, дуучин, жүжигчний дүрд хувирчээ. “Black zebra” студийн хамт олны хувьд чанартай бүтээл хийхэд анхаардаг бөгөөд тэр хэмжээгээрээ “Киви”  хамтлагийн гишүүдээс жүжиглэлт, ур чадвар шаардсан гэнэ. Уг дууны үг, аяыг  Г.Ганг бичин “Киви” хамтлагийн бүсгүйчүүдийн хамт УДЭТ-ын жүжигчин П.Баттөр тогложээ.

“Киви” хамтлагийн шинэ уран бүтээл “Хайр нь арыг нь даана” дууны клипийг хүргэж байна.