“Топ” Пүүжээгийн орыг эзэгнэсэн Ариунцэцэг алтны магнаттай хамтран амьдарч, салж нийлсээр даруй долоон жилийн нүүр үзэж, хөөрхөн бяцхан охинтой болсон. Угийн нүнжигтэй алтны магнат хэнз отгон охиныхоо ээж, эмээ өвөө нарт юу гэж гар татахав.  “Ард түмний мисс” Ариунцэцэгийн аав, ээжийн Дамбадаржаад байдаг хашаанд нь оюутны байр шиг 18 өрөөтэй нэг давхар нийтийн байр “Алтны магнат” бариулж өгсөн гэдэг. Мисс Д.Ариунцэцэгийн аав ээж хоёр төөрчихмөөр олон өрөөтэй байшингаа түрээсэлж чамгүй ашиг олдог сурагтай. Тэднийх олон өрөөндөө оюутан сурагч болон цөөн ам бүлтэй айлуудыг байлгаж, түрээсийг нь улирал, жилээр нь аваад тоолон өвөртөлж, дутагдах гачигдахын зовлонгүй жаргаж суудаг гэнэ. Одоо намар болж, хөдөөнөөс оюутан сурагчид ирчихсэн, ид сезон нь орж 18 өрөөгөө хөдөө гадаанаас ирсэн оюутнуудад түрээсэлж, мөнгийг олох шиг болж байгаа гэнэ.
Өөрөөсөө үе мултарсан ах хүнтэй хэдэн жил амьдарч, наснаасаа эрт ухаан суусан Д.Ариунцэцэг Мянгаагийнхаа ээжид халамжтай, ажил ихтэй “Монгол газар”-ын захирал Мянганбаярт өдөр болгон өөрийнхөө гараар хийсэн хоол хийж өгөхийг хичээдэг байсан гэх юм билээ. Болдоггүй юм болдоггүй гэдэг. Охиныхоо ааваас тусдаа амьдарч байгаа мисс Д.Ариунцэцэг саяхан Франц явж, хайрын гүүрэн дээр гарчээ. Удахгүй хайрын бурхан ивээж, сайн ханьтай болно биз ээ.
WWW.TOVCHOO.MN

Манай сайт танд таалагдаж байвал LIKE хийгээрэй. Танд баярлалаа.