Ардчилсан нам өнгөрсөн жилээс төрийн эрх барих болсоноор гудамжны тэмцэгчид УИХ-ын гишүүн, сайд, дарга болсны нэг нь О. Магнай. Тэрээр өнгөрсөн хугацаанд тэмцэгч байж, одоогоос таван жилийн өмнө буюу 2008 онд хоригдож, 72 цаг өлсгөлөн зарлаж эрүүл мэндээрээ ч хохирч байсан удаатай. Харин шинэ засаг байгуулагдсанаар тэрээр Шударга өрсөлдөөн, хэрэглэгчийн төлөө газрын дарга болсон юм. Зарим нэг нь “О.Магнай орилсоор байгаад нэг даргын албанд очлоо” гэсэн бол зарим нь “тэмцэгч О.Магнайд тохирсон ажил” хэмээн дүгнэж байсан.

Магадгүй тэмцэгч явсаар, даргын алба хашсаар түүнд өөртөө тавих анхаарал бага байсан байх. Харин саяхнаас О.Магнай дарга  өөртөө цаг гаргаж, эрүүл мэнддээ анхаардаг болсон гэнэ. Тэрбээр өглөө бүр хоёр цаг гүйж, эрүүл монгол хүний хамгийн үнэтэй зүйл хөдөлж байх гэдгийг ухаарчээ.

Эх сурвалж: Шуурхай.мн