Шуурхай.мн | Үхсэний чинь эх орон…надад хамаагүй

Aug 22, 2013 3 comments

Үхсэний чинь эх орон…надад хамаагүй

нийтлэсэн Admin

Нэг өдөр хулгана фермийн эзэн хулганы хавх тавихыг харав. Тэгээд тахиа, хонь, үхэр гуравт энэ тухай хэлжээ. Гэвч тэд бүгдээрээ: Хулганы хавх бол чиний асуудал, энэ бидэнд огтхон ч хамаагүй гэж хариулцгаав.

Хэсэгхэн хугацааны дараа хулганы хавханд могой орж фермийн эзний эхнэрийг хатгачихжээ. Эхнэрээ эмчлэхийг оролдож тахиагаар шөл хийж өгөв. Дараа нь хонийг төхөөрч өвчтөнийг эргэж ирсэн хамаатан саднаа хооллов. Тэгээд эцэст нь талийгаачийг нэр төртэй үдэн,оршуулганд ирсэн зочдодүхэрээ гаргаж махаар нь дайлав.

Энэ бүхнийг хананы нүхнээс хулгана ажиглан, өөрт нь хамаагүй гэх зүйлсийн тухай бодож байлаа.

Өнөөдөр Монголд энд төрж өсөөгүй мэт хар элэгтэй болсон, энэ улс орны асуудал надад огт хамаагүй би болон миний ойр дотно болж байвал гэсэн хар амиа бодсон, сарын цалин орлогоо аваад өөрийгөө бол болгочихдог . Бусад нь хэлнэ биз энэ эх орон надад ямар хамаа байна гэсэн бодолтой өчүүхэн жижиг,мунхаг хулчгар хүмүүсийн бөөгнөрөл их болжээ.

Би цаг хугацаа бүхнийг харуулнаа гээд цэцэрхээд сууж бол чадна. Гэхдээ бид цаг хугацаанд захирагдаж, өөрийн бодол өөртөө зөв гэдэг үгнээс өөрийгөө чөлөөлж, алс хэтийг хардаг байх хэрэгтэй. Гэтэл ирээдүй үнэхээр болохоо байж байгааг бүгд мэдэж байгаа.

Хэсэг цаг хугацааны дараа ихэнх зүйлс тодорхой болно. Даанч тэр үед эх орныг минь сүйдэлсэн гамшиг хэр хэмжээнээсээ хэтэрсэн байх вий. Ирээдүй үеийн залуусынхаа өмнөөс нүд халтиран, ямар хүнд дарамт ирэх вий гэдэгт түгшин. Тэдэнд юу гэж хэлнээ гэж санаа зовж, сэтгэл өвдөж мөн ичиж байна.

Яагаад юу ч хийгээгүй хүлцэнгүй байсан бэ, илт буруу зүйлийг мэдсээр байж тэмцээгүй вэ гэхэд. Би гадаад явж юм үзэн, идсэн хоолоо гайхуулан зургаа даруулж байхад. Эсвэл өөрийгөө зугаацууланамиа бодож амарч явахад, эсвэл гөлөлзөж айж байгаад чадаагүй гэх үү?

Чамд одоо нөлөөлөхгүй байгаа зүйл, дараа нь толгой руу чинь цохих болно гэсэн. Дээр өгүүлсэн түүхийг үргэлж санаарай.

Ч.Өрлөг

МАНАН зайл. (August 23, 2013 7:35:29 am )

Ямар оновчтой зүйрлэл вэ.Ганц манайд ч биш,нийт хүн төрөлхтөний хэмжээнд ч бас л ийм байгаа.Баян хоосон,дээдэс,дундас,доодос цөм ийм байдалд орно.Иймд хэт ядуучуудаас өгсүүлээд хэт баячуудаа хүртэл цөм тэр капиталын боолчлол дор тарчилан зовж байгаа байдлаасаа гарахаар эв нэгдэлтэй тэмцэж хүн төрөлхтөнийг хошуучильяа. “Там руу илгээх захидал” гэдэг хажуудахь нийтлэлийн доорхи сэтгэгдэлийг бас унш, Өчүүхэн алгуурлах аваас ХҮН ТА өвөртөө ухаалаг иргэний үнэмлэхтэй,арьсан дороо ухаалаг чип суулгуулсан манкурт боол болно.

Anonymous (August 23, 2013 9:26:32 am )

би их азтай хүн. би төрийн албан хаагч. энэ жаргалаа ах дүүгээ эдлээсэй гэсэндээ тэдэнд төрд алба хаахийг санал болголоо. бүгд миний өмнөөс баярлаж сэтгэл хангалуун байсан тул нэг дуугаар төрд зүтгэхээр болов. ажил горилсон өргөдлөө өгцгөөлөө. өргөдлийн хариу хүлээх зуур манайхан миний ажлын байрны дарамттай танилцаад авлаа. тэд улс төрд зүтгэхгүйгээс хойш ийм дарамттай төрийн албанд бус хувийн секторд зүтгэвэл:
-хийсэн ажлаа үнэлүүлээд цалинжина
-ажлын байрны тодорхойлолтыг чанд мөрдөнө
-ёс зүин мөрдлөгө нь үндсэн хуулиаар хамгаалагдсан иргэн гэдгийг сануулна
-ажиллаж л чадаж байвал ажлын байраа хамгаалах гэж хэн нэгэнд тал засаж, бэлэг өгөх шаардлаггүй
-хов ярих завгүй
-багаар ажиллах тул хариуцлага өндөр
гэх мэт давуу тал их бий гэж тайлбарлалаа
тэгэхээр энэ бүгд төрийн албанд мөрдөгддөггүй болж дүгнэгдэх нь дээ
тэгэхээр бид хэчээгээд удирдлага нь бодлогоо боловсруулахгүй бол мөд төрийн албанд ажилдаг хүн бүр л дан хардлаган дор байх нь
харин хардах шалтгаан бол цөөдөхгүй

Anonymous (August 23, 2013 11:00:21 am )

udirdah udirduulah tuhai bodoh bus uragshlah uudluhiin tuluu zutgewel yaasiin uuruusuu iluu garwal aandaa uruulii bolon eh ornii talaar bodoh bailguide bodohgui ged yagiin erni busdiin demjleg ollnii huchguigeer butehgui um ih bdag bhdaa