Өнгөрсөн хавар СУИС-ийг төгссөн дуучин Э.Чулуунчимэг “B sound” продакшны захирал, дуучин Б.Болдтой ханилж охинтой болсон төдийгүй хамтын уран бүтээлээрээ сонсогч түмнээ уярааж явсан билээ. Харин хайрын дуунуудаа хамтдаа дуулж бүр цомог хүртэл гаргахаар төлөвлөөд байсан хосууд салж, цомог гаргах асуудалдаа цэг тавиад байгаа аж.

Мөн тэднийг С.Жавхлан, Т.Баясгалан нарын “Насны хайр” дууг хуулбарласан гэдэг ч шинэчилж дуулсан гэдэг. Мөн Т.Баясгалангийн дуулсан “Зөвхөн чамдаа” дууг  Э.Чулуунчимэг дуулсан байдаг. Э.Чулуунчимэг энэ тухай хэлэхдээ “Урлагийн гавьяат зүтгэлтэн, хөгжмийн зохиолч Т.Сэр-Од багш маань тайлан тоглолтоо хийх гээд гавьяат жүжигчин, дуучин Т.Баясгаланг урьсан юм билээ. Харин тэр хүн “Очиж амжихгүй” гэсэн болохоор Т.Сэр-Од багш маань намайг “Зөвхөн чамдаа” дууг дуулаад өгөөч гэж хүссэн. Би тэр тоглолтын тайзан дээр л энэ дууг дуулсан шүү дээ. Түүнээс биш, гадуур Т.Баясгалангийн дуунуудыг дуурайж дуулаад явсан юм байхгүй” гэжээ.

Эх сурвалж: Шуурхай.мн