Сүүлийн үед “Олон овоот”ын лиценз тойрсон асуудал УИХын танхимд олонтаа яригдаж, хэвлэлийн хуудаснаа нэг хэсэгтээ л тасралтгүй шуугив. Гэтэл тус уурхайг эзэмшигч “Жаст групп” нь саяхан өөрийн мэдлийн “Хадгаламж банк”ны 51 хувийг “Алтжин” компанийн захирал Г.Алтанд худалдахаар болсон тухай яриа чих дэлсэх болов.

Энэ нь ч үнэний ортой аж. Тэрээр бүр шинэ гүйцэтгэх захирлын эрэлд мордчихсон яваа гэнэ. УИХын гишүүн Хууль зүй, дотоод хэргийн сайд Ц.Нямдоржтой хөрш зэргэлдээ амьдарч байгаа Г.Алтан бүсгүй “САПУ” худалдааны төвөө шатсанаас хойш нэг хэсэгтээ сэтгэл санаагаар унаж, тэр ч бүү хэл түрээслэгчдийн олон тэрбумын үнэтэй бараа таваарын өренд орж арга буюу “Алтжин” шатахуун түгээх станцуудаа “Жаст групп”-т зарж байсан гэдэг.

Тэгвэл тэрээр гандан буурахгүй нэгэн гэдгээ харуулждахин шинэ худхлдааны төв байгуулж ажил төрөл нь өөдрөг явна.Харин түрээслэгчид нь урьдын адил хямд түрээстөлж суухаас өнгөрсөндөө бачуурхаж байгаа бөгеөд зовж явахад нь элдэв дээдээр хэлж мөнгө төгрөгөө нэхэж байсан тэдний хувьд Г.Алтан захирал ёстой л нэг хариуг нь барьж буй мэт өндөр түрээс тогтоосон билээ.

Харин “Жаст групп”-ын хувьд “Хадгаламж банк”-ныхаа 51 хувийг зарсан мөнгеөр “Олон овоот”ын уурхайн олборлолтын ажлаа цаг алдалгүй явуулахаар телөвлөсөн бололтой. Тиймдээ ч дээрх хувийг худалдахаар шийдсэн аж.

Эх сурвалж:  “Маш нууц” сониноос