Халдварт өвчин судлалын үндэсний төвөөс энэ сарын 23-ны өдөр Нийслэлийн мэргэжлийн хяналтын газарт “Баянгол дүүргийн харьяа Хүүхдийн клиник сувиллаас долоон хүүхэд хордож ирлээ” гэсэн мэдээлэл ирүүлсэн байна. Энэ дагуу Нийслэлийн мэргэжлийн хяналтын байгууллагаас хүүхдийн сувилалд шалгалт хийж эхэлжээ.
Үүнд долоон хүүхэд хордсоноос хоёр нь сэхээн амьдруулах тасагт хэвтсэн байна. Халдварт өвчин судлалын төв хүүхдүүдийн хордсон байдлыг тодорхойлж, эмчилж байгаа юм байна. Харин Нийслэлийн мэргэжлийн хяналтын газраас хордлого юунаас болж үүссэн, ахуйн гаралтай ямар нэгэн асуудал байна уу, үгүй юу гэдгийг шалгаж байгаа аж. Эхний ээлжинд тус сувиллын хоолноос дээж авч, лабораторийн шинжилгээнд оруулаад байгаа гэнэ.
Урьдчилан таамаглаж байгаагаар хүүхдүүд луувангийн зутан, шар будаатай хоолноос хордсон байх магадлалтай гэнэ.
Эх сурвалж: Шуурхай.мн
Холбоотой мэдээ
-
Anonymous (July 29, 2013 3:05:48 pm )
ymar zavaan hool ogdiin bee ydarsan huuhduudee toroos anharal taviachee arai dendu umaa
1 Comment