“Гурван охин” хамтлагийн охидууд ойрын хэдэн сар уран бүтээлийн олз омог дүүрэн байгаа.

“Дэлхий ягаан зүрх” цомгоо худалдаанд гаргаад хөдөлмөрч хэмээн өөрсдийгөө үнэлүүлээд авсан тэд байсхийгээд л баярт мэдээ дуулах болжээ. Саяхан гэхэд шинээр гаргасан “Дэлхий яагаан зүрх” цомог шилдэг цомгийн тоонд орж, тэднийг мөн л баярлуулсан.

Түүнчлэн саяхан “3 охин” хамтлагийн ахлагч Соло дуучин Д.Болдтой хамтран “Учиртай гурван толгой” киноны дуу болох “Хагацаж чадах уу” гэх дуугаа үзэгчдэдээ хүргээд удаагүй байна.

Мөн л хамтлагийн уран бүтээлч, дуучин Анхмаа хэдхэн сарын өмнөхөн “Франц үнсэлт” гэх романтик кинонд тоглож францаар үнсэлцэж кино урлагт дахин нэрээ гаргаад авсныг та санаж байгаа байх.

Монголын рок поп урлагийн нэгэн эд эс болж яваа “3 охин” хамтлагийн охидоос ээж болж үрийн зулай үнэрлэх нь гэсэн шуугиан дэгдэж байсангүй.

Харин саяхнаас “3 охин” хамтлагийн дуучдын нэг нь хөл хүндболжээ.  Бүр тодруулбал дуучин Анхмаа хөл хүнд болсон байна. Учир нь энэхүү мэдээллийг “3 охин” хамтлагийн бүсгүйчүүд үгүйсгэсэнгүй.

Тиймээс манай урлагийн ертөнцийн нэгэн гэр бүл үрийн зулай үнэрлэх гэж буй  таатай мэдээллийг  манай  сайт анх удаа олон нийтэд хүргэж байгаадаа баяртай байна.

Дуучин Б.Анхмаа одоо гурван сартай хөл хүнд бөгөөд түүний нөхөр болох

жүжигчин Билэгжаргал аав болох бэлтгэлээ аль хэдийнэ хангаад эхэлчихсэн аж. Одоогоор ч дуучин бүсгүй маань дээрх мэдээллийг бага зэрэг нууцлан гадуур явахдаа хөнгөн нимгэн хувцаслаж, аль болохоор гэдсээ далдлахыг хичээж байгаа ч бусдын хурц хараанаас халхалж чадахгүй л болов уу.

chuhal.mn