Сэлэнгэ аймгийн харьяат 21 настай Б.Одончимэг гэх эмэгтэйн  таван сартай охин алга болсон   хэргийг УМБГ-т шалгаж байгаад өнгөрсөн сард түр хугацаагаар түдгэлзүүлсэн юм. Тэгвэл уг хэргийг саяхнаас    Улсын ерөнхий прокурорын даалгавраар сэргээн шалгаж эхэллээ. Сэлэнгэ аймгийн Түнхэл тосгоноос  охи­ных нь биеэр хордлого туураад байхаар нь эм­чид үзүүлэх гэж өнгөрсөн тавдугаар сарын 24-ний өд­рийн 06.00 цагийн ва­гоноор нийслэл  Б.Одончимэг ирсэн аж.

Тэрбээр охиноо эмчид үзүүлээд буцахдаа  35-40 ор­чим настай танихгүй эмэг­тэйд таван сартай хүүхдээ өгөөд дэлгүүр ороод ирэх хооронд нь үл таних эмэгтэй хүүхдийг аваад сураггүй алга болсон гэх мэдээллийг цагдаагийнханд өгсөн юм.

Уг мэдээллийн дагуу  таван сартай охиныг хул­гайл­сан эмэгтэйг Сонгинохайр­хан дүүр­гийн цагдаагийн хэлт­сийнхэн эрэн сурвалж байгаад хэргийг УМБГ болон Эрүүгийн цагдаагийн газарт татаж шалгаж байгаад түдгэлзүүлсэн билээ.