УДЭТ-ын “Эгч дүүс” гэгддэг жүжигчин У.Уранчимэг, Д.Ганцэцэг, А.Ганчимэг нар “G.U.G” нэртэй уран бүтээлийн нэгдэл байгуулжээ.Тодруулбал, уран бүтээлчид өөрсдийн нэрийн эхний үсгээр ийнхүү нэрийдсэн аж.

Тэд анхны уран бүтээлийнхээ зураг авалтыг эхэлсэн бөгөөд энэ нь “Цэрлэг цэцэгсийн хүлэмж” нэртэй дэлгэцийн кино гэнэ. 1981 онд болж байсан үйл явдлыг харуулах эл киноны зураг авалт сар гаруйн хугацааны дараа дуусна. Харин киноны нээлт есдүгээр сард болохоор төлөвлөгдөөд байгаа юм байна. Киноны гол дүрд дээрх гурван уран бүтээлчээс гадна ҮДБЭЧ-ийн бүжигчин Бямбаа тоглож байгаа бөгөөд архаг архичин, биеэ үнэлэгч, хүүхэн зардаг хүний дүрийг тус тус бүтээж буй ажээ.

Цаашдаа ч “G.U.G” уран бүтээлийн нэгдэл дэлгэцийн урлагт болон тайзны уран бүтээл хийх зорилготой байгаа гэнэ.

Эх сурвалж: Шуурхай.мн