“Sweetymotion” хамтлагийнхан эх орондоо ирээд хоёр ч удаа тоглолт хийж, шинэ цомог болон хит дуунуудаар бэлэг бариад байгаа. Урлагт зүтгээд 15 жилийг үдэж буй халуухан бүсгүйчүүд өдгөө 30 насны босго давсан тул гэр бүлийн амьдрал зохиох талаар эрхгүй бодож эхэлсэн гэдэг. Хамтлагийн ахлагч Ч.Сарнай, продюссер Б.Чинбат хоёрынхоо хөөрхөн охиныг хараад ээж болох хүсэлдээ автсан Э.Ганболор, Г.Сүндэръя хоёр ч эрчүүдэд хатуу шалгуур тавихаан больсон гэнэ.

Тэрээр сүүлийн үед  “Sweetymotion” хамтлагийн дуучин Э.Ганболор, Г.Сүндэрмаа нарыг нэгэн зэрэг хуримаа хийх гэж байгаа тухай мэдээлэл хэвлэлээр цацагдаж эхэлсэн. Энэ талаар хамтлагийн дуучин Э.Ганболор хэлэхдээ “Сүндэрээ маань одоо ганцаараа биш болсон. Гэхдээ ойрын хугацаанд хурим хийхээр товлосон гэж бодохгүй байна. Хэрэв хуримлахаар шийдсэн бол хамгийн түрүүнд бидэнд дуулгана шүү дээ. Миний хувьд ч гэсэн, энэ талаар бодсон юм алга. Яагаад гэвэл, би одоо найз залуугүй байгаа шүү дээ. Намайг янз бүрийн хүнтэй холбож, хуримаа хийх гэж байгаа тухай энд тэнд ярьж, бичээд л байна лээ. Одоо яая гэхэв, “Амны билгээс ашдын билэг” гэдэг дээ” гэв. Ямартай ч нас нь 30 гарсан ч одоог хүртэл нөхөр, хүүхэдгүй бүсгүйчүүд маань хуримаа хийхгүй гэнэ.

Эх сурвалж: Шуурхай.мн